Read tharaka MAARIKO 8 Bible Online

MAARIKO 8 - tharaka bible

MAARIKO 8

¹Ntugûûni inu kaîrî ikwarî na ntundu înene mûno ya antû yethîranîrîte Yiesû. Na n'ûntû antû babu bataarî na biakûrîa, Yiesû eeta arutwa baake abeera,

²“Inkwîgua antû baba kîao n'ûntû tûkarîîte na bo ntugû ithatû na batirî na irio.

³Nkabeera beenûke barî na yûûra, ibakaagwa njîraani n'yûûra, n'ûntû bamwe baumîîte kûraaya mûno.”

⁴Arutwa baake bamûûria, “I kû tûruta mîgaate ya kûrûmia antû baba bonthe rwanda ta rûrû?”

⁵Yiesû abaûria, “I mîgaate îgana îrî oogo?” Bamwîra, “I mûgwanja.”

⁶Yiesû eera antû bakare nthî. Aathûkia mîgaate înu mûgwanja, aacookia nkaatho. Rîru amîng'enyûranangia akînenkagîra arutwa baake yo bagaîra antû. Arutwa baake baagaîra antû.

⁷Na ikwarî na tûkûyû tûûkai tûniini. Na tu Yiesû aacookia nkaatho n'ûntû bwa tu, eera arutwa baake bagaîre antû tu.

⁸Antû baarîa, baabaa, na beethîrania ikaabû mûgwanja bia ing'enyua bia mîgaate na makûyû, bira biatigarire.

⁹Antû babu baarî ta ngiri inya. Yiesû rîru abeera beenûke bwega.

¹⁰Aatwa îtarûûni na arutwa baake baathi gûntû gweetagwa Ndaramanutha.

¹¹*Abarisai bamwe baaya kîrî Yiesû, baanjîîria kûmûûria biûria. Bakîmûgeria bamwîra aringe kîama kîrî rwano rwa kwonania inya îra arî n'yo kuuma îgûrû.

¹²Yiesû eegua ûgu aara nkoro. Aûria, “I kî rûciaro rûrû rûkwendera kwona kîama? Na mma ga nkûbwîra, gûtirî kîama rûkoona!”

¹³Yiesû abatiga agu aatwa îtarûûni kaîrî, aaringanîria rûgongo rûra rûngî rwa îria.

¹⁴Arutwa ba Yiesû ibaariganîrîtue batakamatîîte mîgaate ya kûgana. I mûgaate ûmwe warî gûku îtarûûni.

¹⁵Yiesû abakaania abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”[4]

¹⁶Arutwa baanjîîria kwaranîria, “Arîtwîra ûgu n'ûntû bwa bûra tûtarî na mîgaate.”

¹⁷Yiesû aamenya bûra baugaga. Abaûria, “I mbi n'ûntû bûkûthûgaania i bûra bûtarî na mîgaate? Ka wana îîndî bûtiramenya kana bûciûra ûgu ndauga? Mathûgaania meenu matirarugûka na îîndî?

¹⁸Anga bûrî na meetho na bûtikwona? Anga bûrî na matû na bûtikwîgua? Ka bûtakûririkana

¹⁹rîra ndagaagûrire antû bara ngiri itaano na mîgaate îtaano? N'ikaabû bigana bwethîraniirie bia mang'enyûrû mara maatigarire?” Arutwa bamwîra, “Biarî ikaabû îkûmi na biîrî.”

²⁰Yiesû aacooka abaûria kaîrî, “Î rîra ndagaagûrire antû bara ngiri inya na mîgaate mûgwanja? N'ikaabû bigana bwethîraniirie bia mang'enyûrû mara maatigarire?” Arutwa bamwîra, “Biarî ikaabû mûgwanja.”

²¹Yiesû abaûria, “Na wana îîndî mma bûtigûciûra bûmenya bûra nkuuga?”

²²Yiesû na arutwa baake baakinya taûni yeetagwa Bethisainda. Antû bamwe baareeta ntûngi. Baûria Yiesû aringithie muntû ûyu, amworie.

²³Yiesû aagwata muntû ûyu atoonaga njara, bauma taûni. Bakuuma taûni, Yiesû aatuîra muntû ûyu mata meetho. Amwaigîîra njara, amûûria, “Kûrî kîo ûkwona?”

²⁴Muntû ûyu aacûûba amwîra, “Inkwona antû bathiîte, îndî ndîona bakari ta mîtî.”

²⁵Kaîrî Yiesû aigîîra muntû ûyu njara meetho. Akûmwaigîîra, muntû ûyu aabua, aatua kwona kûrû.

²⁶Yiesû eera muntû ûyu eenûke na atikaagendeere taûni.

²⁷Yiesû na arutwa baake baathi ntûûra ira ciarî akubî na taûni yeetagwa Kaisaria Piripi. Barî njîraani Yiesû aûria arutwa baake, “Antû baugaga ndî ûû?”

²⁸Arutwa bamwîra, “Bamwe baugaga ûrî Njoana Mûbaatithania, bangî bakauga ûrî Eriya, na bangî na bo bakauga ûrî ûmwe wa iroria.”

²⁹Yiesû abaûria, “Î biû buugaga ndî ûû?” Petûrû amwîra, “Woû ûrî Kîrîstû.”

³⁰Yiesû aakaania arutwa baake abeera batikeere antû aarî ûû.

³¹Yiesû aanjîîria kûrutana arutwa baake. Abeera, “Mwana wa Muntû nwa mwanka anyamaarue mûno na akaaregwa n'akûrû, *athînjîri bara banene ba Ngai, na aarimû ba watho. Na nwa mwanka aûragwe, îndî akaariûka ntugû ya ithatû.”

³²Yiesû aabeerire mantû mamu atakûbaitha nwa aniini. Petûrû amwira gataaria, aanjîîria kûmwîra ti bwega kwaria mantû ta mamu.

³³Yiesû aûndûka aacûûba arutwa baake bara bangî. Aakaania Petûrû amwîra, “Taaria aaga ndî, Saitaani! Mathûgaanio maaku ti ma kîîngai, i ma kîîmuntû.”

³⁴Yiesû eeta kîrîndî kîra kîethîranîîte, kîaya agu arutwa baake baarî. Abeera, “Muntû akeenda kûnthingata, abatîîrue eetîîyîra, akamata mûtharaba wake, rîru anthingata.

³⁵Ûra oonaga mwoyo ûyû n'uu ûrî gîtûmi, akaûra. Îndî ûra akeeruta n'ûntû bwakwa kana n'ûntû bwa ntheto îmbega, agaatûûra mwoyo.

³⁶Î rîo rî, bungwa i baita mbi muntû oona wana ûkeegua nthîgûrû yonthe n'yake îndî akaaga mwoyo?

³⁷Anga kûrî kîo muntû ateeyana akîenda kwonokia mwoyo wake?

³⁸“Ûra akambîgua îgi kana eegue ûrutani bwakwa îgi rûciarooni rûrû rwa ûthûngîîri, rwa meeyia, Mwana wa Muntû nakaamwîgua îgi rîra akaaya na araîka baatheru, arî na mwago wa Îthe.”