Read tharaka 1 AKORINTHO 13 Bible Online

1 AKORINTHO 13 - tharaka bible

1 AKORINTHO 13

¹Wana ûkeegua mbûmba kwaria ndwaria cia antû bara bangî, kana kinya cia araîka, ntarî na wendo i gîtuma nkûringa mana ta kîa ngonia kana gîa kîgamba.

²Kana ûkeegua ndî na kîewa kîa ûroria ûkeegua imbiyî iriga bionthe na ndî na ûmenyo bunthe, kana ndî na wîtîgio bûûmba gûtûma kîrîma gîkûûka, ntarî na wendo, ndî wa mana.

³Kana wana nkaa nkîa into biakwa bionthe, kana nkeeruta nkabîîthua, ntarî na wendo bûbu gûtirî bu bûnteethia na bu.

⁴Wendo ibwetagîîra, na bûrî kîao. Bûtirî rûriitho, bûtiîbûkagîîria kana bwîkumia,

⁵bûtiagaga nthoni, bûtiîbendagîîra, bûtithûûrangaga na mpwî, na bûtitaraga maita mara muntû abîtîrîtue.

⁶Wendo bûtikenagîîra ûthûûku, bûkenagîîra ûmma.

⁷Bûtikuyaga nkoro, bûkaraga bwîtîgîîtie, bûrî na wîrîgîîro, na kûûmîîria.

⁸Wendo bûtithiraga, îndî kîewa kîa ûroria kîo gîkaûra. Kîewa gîa kwaraia ndwaria ingeni kinya kîo gîkaathira. Na wana kîewa kîa ûmenyo gîkaûra.

⁹Biewa bia ûmenyo na ûroria bira twetwe bititwîraga mantû caû.

¹⁰Rîra ûntû bungwa bûkaaya, bibu bitatwîraga mantû caû ibikaûra.

¹¹Rîra ndarî mwana, ndaaragia ta mwana, ngeeciiria ta mwana, na nkathûgaania ta mwana. Ngûtuîka muntû ûmûnene, indatiganire na mantû mamu ma wana.

¹²Mara twonaga îgiitaani rîrî tûkari taka tûmaraithîîte na kîyici tûkoonaga marî marundurundu. Îndî îgiitaani rîkaaya tûkoona mantû caû. Bûra mbiyî îîndî ti bûganu. Îndî îgiita rîakinya nkaamenya mantû kûrû ta bûra Ngai ambiyî.

¹³Kwoogu mantû mama mathatû makaathi na mbere kwîgua marî oogo. Na mo i wîtîgio, wîrîgîîro, na wendo. Na kîrî mo wendo i bu bûkûrûkîîte monthe.