Read tharaka 2 PETÛRÛ 1 Bible Online

2 PETÛRÛ 1 - tharaka bible

2 PETÛRÛ 1

¹I niû Simioni Petûrû, mûruti ngûgî wa Yiesû Kîrîstû nkûbwandîkîra. Ndî mûtûmwa wake. Ndîbwandîkîra biû Ngai atûmîîte bwîgua bûrî na wîtîgio bwa gîtûmi mûno ta bwetû. Twetwe bu i Ngai, Mwonokia wetû, Yiesû Kîrîstû kûringana na wagîru bwake.[1]

²Ngai, Mwathani wetû Yiesû, aroobwongeera ûtugi na ûkiri n'ûntû bwa kûmûmenya.[2]

³Kwa inya yake Ngai natwete bionthe bira twendaga kaingo tûtûûra mûtûûrîre wa kîîngai. Twetwe bio gûkûrûkîîra kûmenyaani kûra tûmenyeete ûra aatwîtire mwagooni wake na wegaani bwake.

⁴Na kwoogu natûrûthîrîte mantû maanene ma gîtûmi mûno mara aatwere wîrane bwa mo. Mantû mamu magaatûma bûtikaagwatwe i mawîrirîîria maathûûku ma nthîgûrû îno mara meenyangagia antû kaingo bwîgua bûrî amwe n'we mûtûûrîreeni wa kîîngai.

⁵Kwoogu amwe na wîtîgio bwenu cûûgiani bûra bûûmba bwîgue bûrî na mûkarîre ûmwega. Amwe na mûkarîre ûmwega bwîgue bûrî na ûmenyo.

⁶Amwe na ûmenyo bwîgue bûkîûmbaga kûrega kûrûtha mara mîîrî îîriragîîria. Amwe na kûrega kûrûtha mara mîîrî îîriragîîria bwîgue bûûmba kûûmîîria mathîîna. Amwe na kûûmîîria mathîîna bwîgue bûrî na mûkarîre wa kîîngai.

⁷Amwe na kwîgua bûrî na mûkarîre wa kîîngai bwendage eetîgîri bara bangî ta barî aruanyûkwe na aaranyûkwe. Amwe na kwenda eetîgîri, bwendage antû bonthe.

⁸Ûkeegua bûkaathi na mbere kwongeera mantû mamu bûkeegua bûrî na maciaro meega ûmenyooni bwenu bwa Mwathani wetû Yiesû Kîrîstû.

⁹Îndî muntû atarî na mantû mamu akari ta ntûngi, kana ta muntû atoonaga bwega. We nariganîrîtue kana Ngai namûrekerete meeyia maake amûtuîkithia ûmûtheru.

¹⁰Kwoogu, aruayia na aarayia, cûûgiani na inya mûno bûra kûûmbîka bûrûthage mantû mara makoonanagia bwega wabu Ngai nabwîtîîte na abûthuura bwatuîka baake. Bûkaaya kûrûtha ûgu bûtiuma wîtîgioni rî kana rî.

¹¹Na Ngai akabûgwata ûgeni ûneneeni bwa tene na tene, bwa Mwathani wetû Mwonokia Yiesû Kîrîstû.

¹²Kwoogu mbangîîte nkarage nkîbûririkanagia mantû mamu rîonthe kinya ûkeegua ibûmaiyî na ibwîrikîîtie ûmmaani bûra bûrî na bu.

¹³Kagiitaani gaka ndî mwîrîîni ûyû[3] ndîona ikwagîrîte mbûririkanagie mantû mamu,

¹⁴n'ûntû imbiyî ntugû ciakwa aaga nthîgûrû n'intare kûringana na bûra Mwathani Yiesû Kîrîstû aamboniirie.

¹⁵Îndî nkaageria bûra bunthe mbûmba mbone bûkaûmba kûririkanaga mantû mamu monthe ndabûtiga.

¹⁶Rîra twabwîraga mantû ma mûtûûrîre wa Mwathani wetû Yiesû Kîrîstû na inya îra oonaniirie, itaarî ngono cietû cia gûtua na ûûme bwetû. Tûroona mwago wake na meetho meetû.

¹⁷Ngai Îthe naamûtîîyire na oonania bûra arî mwago ûgana rîra kayû kaumire kîrî we, Ngai ûra arî mwago ûmûnene, kauga, “Ûyû i Mwana wakwa ûra mbendeete, nankenagia mûno.”

¹⁸Tiû itweegiirue kayû gaku kaumire îgûrû tûrî n'we kîrîmaani kîîtheru.

¹⁹Na nkûrûki itwiyî mara iroria biaroriirie i ma mma. Bweegua bûrî ûntû bwega weegua bûkamarûmîîra n'ûntû makari ta taa îmûrîkîîte mwinduuni mwanka rûkîîrî mûno rîra Kîrîstû akaaya kaîrî atharare nkorooni cienu ta nthata îra yonekaga îthararîîtie mûno gûgîkea.

²⁰Îndî mûno mûno, ibwagîrîtwe bûmenya gûtirî ûroria bûrî *Maandîkooni Maatheru buumanîîtie na iroria birî bio,[4]

²¹n'ûntû gûtirî kîroria kîaroragia mantû na bwa kîo kîongwa. Biatongagîîrua n'inya ya Kîrundu Ûmûtheru bikaaria mantû kuuma kîrî Ngai.