Read tharaka 3 NJOANA 1 Bible Online

3 NJOANA 1 - tharaka bible

3 NJOANA 1

¹I niû Mûkûrû ngûkwandîkîra mwendwa Gayas, ûra mbendeete na wendo bwa mma.

²Îromba rîakwa, mwendwa, n'atî mantû maaku monthe i meega na ûrî na ûgima bwa mwîrî, ta bûra nkoro yaku îkari.

³Indakenire mûno rîra aruayia bamwe baayire bambîîra bûra ûrî mwîtîgua mantûûni ma ûmma na bûra ûtûûraga ûmmaani.

⁴Ntiona gîkeno kîngî gîkûrûkîîte bûra nkwîgua aana baakwa batûûraga ûmmaani.

⁵Mwendwa, n'ûntû bwega ûrûthaga rîra ûteethagia eetîgîri bara bangî, bara wiyî na bara ûtaiyî.

⁶Ibakûûyîîrîîte naaga kîrî kanica mantû ma wendo bwaku. N'ûntû bwega ûrûthaga rîra ûbateethagia na njîra îkenagia Ngai bakathi na mbere na rûgendo.

⁷Barîthi bakîrutaga ngûgî n'ûntû bwa Kîrîstû na batigwîtîgîîria ûteethio bwa bara batarî eetîgîri.

⁸Kwoogu tiû nwa mwanka tûteetheerie antû baba kaingo tûtaranîrua na bo ngûgîîni yao n'ûntû bwa ûmma.

⁹Indarandîkîîre kanica baarûa îndî inkûmenya Ndioterebes, ûra eendaga rîonthe kwîgua arî mbere, atirî bata naati.

¹⁰Rîra nkaaya nkaumbûra mantû monthe mara arûthaga na nguutû ira aaragia îgûrû rîetû. Na t'ûgu bunka, atiendaga kûgwata aruayia ûgeni, kana areka bara bangî babagwata, nabeengatagia bakauma kanicaani.

¹¹Mwendwa, ûtikaathingate mantû mara mathûûku îndî thingata mantû mara meega. Muntû ûra arûthaga mantû meega, ûyu n'wa Ngai. Îndî ûra arûthaga mantû maathûûku atiyî Ngai.

¹²Antû bonthe baugaga Ndemeterias i mwega mûno na kinya ûmma bûra arûthaga ibûmûkûûyagîîra. Tiû itûgwatanagîra na bu na ibwiyî tûrîaria ûmma.

¹³Ndî na maingî mûno ma kûbwîra îndî ntikwenda kûbwîra monthe na baarûa.

¹⁴Ndî na wîrîgîîro bwa kûbwona nyuma ya îgiita rîtarî rîraaya. Rîra tûkoonana i rîo tûkaaranîria.

¹⁵Ûkiri bûrookaraga naawe. Acoore baaku bagûgûkeethia. Naawe tûkeetherie wakîra ûmwe wa acoore beetû.