Read tiv Genese 20 Bible Online

Genese 20 - tiv bible

Genese 20

¹Tsô Aberaham mough heera yem ken tar u Imbusutariyan la, za tema hen harga u Kadeshi vea Shur; za lu shir ken Gerar.

²Aberaham lu ôron kwagh sha kwagh u kwase na Sara er: Ka anngôm u kwase. Nahan Abimeleki, tor u Gerar tindi i za kua a Sara.

³Tsô Aôndo va hen Abimeleki ken mnyam ma cien tugh, kaa a na er: Nenge, ú kpe sha ci u kwase u u koo a mi ne; gadia ka kwase u or je.

⁴Kpa Abimeleki lu a bende a na ve ga; a maa a kaa er: TERE, Ú wua ikurior i perapera?

⁵Kera ka un iyol na a kaa a mo er: Ka anngôm u kwase ye gaa? Shi kwase iyol na kpaa a kaa er: Ka anngôm u nomso je. Yô, ka sha ishima i gbar gbar man ave am a wang m er kwagh ne ye.

⁶Tsô Aôndo kaa a na ken mnyam mara er: Een, M fa, ka sha ishima i gbar gbar u er nahan ye, Mo kpaa M yange u sha u de kera eren Mo kwaghbo ga; ka nahan man M rumun Mer bende a na ga ye.

⁷Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

⁸Tsô Abimeleki mough pepe pepe yila mbatomov nav cii, ôr akaa ne cii sha ato ve; ior mbala cia kpishi.

⁹Nahan Abimeleki kaa a na er: Ka nyi u er a vese nahana? Ka han m er u kwaghbo man u heem ibo i vesen iyol a tartor wam cii? U erem akaa a a kom u or á er ga.

¹⁰Shi Abimeleki kaa a Aberaham er: U hen nan man u er kwagh ne nahana?

¹¹Aberaham kaa er: M hen mer, mayange mba cie Aôndo hen ijiir ne ga; yô, vea va wuam sha ci u kwase wam.

¹²Man un yô, ka anngôm u kwase mimi je, ka wan u terem, kpa ka wan u ngôm ga, man a hingir kwase wam ye.

¹³Man er Aôndo A ne m dugh hen ya u terem, m zenden wue wue yô, m kaa a na mer: Kwagh u ú erem man á doom yô, hanma ijiir i sea za yô, ú ôr sha kwagh wam wer: Un ka anngôm.

¹⁴Tsô Abimeleki kôr iyôngo man abua man ikpan i nomso man i ukase na Aberaham, shi hide un a kwase na Sara kpaa.

¹⁵Abimeleki shi kaa a na er: Tar wam ungun sha ashe ou ne, hanma ijiir i i doo u yô, tema her je.

¹⁶Shi a kaa a Sara er: Nan yam anngôu agbenger a azurfa dubu ne, a̱ lu u kwagh u yisan ishigh hen mba ve lu her a we, man ú lu a ishô sha hanma gbenda cii.

¹⁷Tsô Aberaham sôn Aôndo, Aôndo war Abimeleki vea kwase na kua ikpan na i ukase, nahan ve gba maren.

¹⁸Gadia TER kondo usagh mba hen ya u Abimeleki ca ca, sha ci u kwagh u Sara, kwase u Aberaham.