Read tiv Nehemia 7 Bible Online

Nehemia 7 - tiv bible

Nehemia 7

¹Tsô zum u i maa gilgar, man m zer ucivir, man i ver mbakuranhunda man mbawanatsam kua Mbalevi kpaa yô,

²m ver anngôm Hanani, kua Hanania, orvesen u nengen sha iyou i utya, mer, ve̱ nengen sha Yerusalem; gadia a lu or u jighjigh, shi a cian Aôndo, a hemba ior mbagenev kpishi.

³M kaa a ve mer: I̱ de gbe bughun ihinda i Yerusalem ga, saa iyange i̱ vande kôndon ve; man er ve tile ve lu kuran la je, i̱ wuhe ihinda; man senda nen i sha itiran; ver mbagenev mba ve tem ken Yerusalem la, ve̱ lu mbakuran, hanmô sha ijiir i nan i kuran, man hanmô kpaa sha ishigh ki ya u nan.

⁴Gar yô, gbanger man kehe, kpa ior mba ker yô, lu kpuaa tsô, i lu a maa ayou ga.

⁵Tsô Aôndo wam tesem ken ishima er, m̱ kohol mbatamen man mbatarev kua ior, sha u ngeren icombor ve. Nahan m zua a takerada u icombor i mba ve vande van la, man m nenge i nger kimi er:

⁶Mban ka ônov mba ken tar la, mba ve mough ve due ken kwar, mba iyange i kura ve i yem a mi uikangen la, mba Nebukadinesar tor u Babilon lu kura la, mba ve hide ken Yerusalem kua Yuda, hanma or hen gar u nan;

⁷mba ve va a Serubabel man Yeshua, Nehemia, Asaria, Raamia, Nahamani, Mordekai, Bilshan, Misepereti, Bigevai, Nehum man Baana imôngo la. Iyenge i nomsombaiorov mba Iserael yô:

⁸Ônov mba Paroshi lu dubu uhar man deri man akunduatargber kar uhar.

⁹Ônov mba Shefatia lu deri utar man akunduatargber kar uhar.

¹⁰Ônov mba Ara lu deri ataratar man akunduahargber kar uhar.

¹¹Ônov mba Pahati-Moabi, mba ken ônov mba Yeshua man Yoabi, lu dubu uhar man deri anigheni man pue kar anigheni.

¹²Ônov mba Elam lu dubu man deri uhar man akunduahargber kar unyiin.

¹³Ônov mba Satu, lu deri anigheni man akunduahar kar utaan.

¹⁴Ônov mba Sakai lu deri utaankaruhar man akunduatar.

¹⁵Ônov mba Binui lu deri ataratar man akunduahar kar anigheni.

¹⁶Ônov mba Bebai lu deri ataratar man ikundu kar anigheni.

¹⁷Ônov mba Asegadi lu dubu uhar man deri utar man ikundu kar uhar.

¹⁸Ônov mba Adonikam lu deri ataratar man akunduatar kar utaankaruhar.

¹⁹Ônov mba Bigevai lu dubu uhar man akunduatar kar utaankaruhar.

²⁰Ônov mba Adin lu deri ataratar man akunduahargber kar utaan.

²¹Ônov mba Ater u Hesekia lu akunduanyiingber kar anigheni.

²²Ônov mba Hashum lu deri utar man ikundu kar anigheni.

²³Ônov mba Besai lu deri utar man ikundu kar unyiin.

²⁴Ônov mba Hariv lu deri man pue kar uhar.

²⁵Ônov mba Gibeon lu akunduanyiingber kar utaan.

²⁶Ior mba Betelehem man Netofa lu deri môm man akunduanyiin kar anigheni.

²⁷Ior mba Anatoti lu deri môm man ikundu kar anigheni.

²⁸Ior mba Bete-asemaveti lu akunduahar kar uhar.

²⁹Ior mba Kiriati-yearim man Kefira man Beeroti lu deri utaankaruhar man akunduahar kar utar.

³⁰Ior mba Rama man Geba lu deri ataratar man ikundu kar môm.

³¹Ior mba Mikemashi lu deri môm man ikundu kar uhar.

³²Ior mba Betel man Ai lu deri môm man ikundu kar utar.

³³Ior mba Nebo ugen la lu akunduahargber kar uhar.

³⁴Ônov mba Elam ugen la, lu dubu môm man deri uhar man akunduahargber kar unyiin.

³⁵Ônov mba Harim lu deri utar man ikundu.

³⁶Ônov mba Yeriko lu deri utar man akunduahar kar utaan.

³⁷Ônov mba Lodi man Hadidi man Ono lu deri utaankaruhar man ikundu kar môm.

³⁸Ônov mba Senaa lu dubu utar man deri utaankarunyiin man ikundugber.

³⁹Upristi yô: ônov mba Yedaia, hen ya u Yeshua lu deri utaankarunyiin man akunduatargber kar utar;

⁴⁰ônov mba Imer lu dubu môm man akunduahargber kar uhar;

⁴¹ônov mba Pashur lu dubu môm man deri uhar man akunduahar kar utaankaruhar;

⁴²ônov mba Harim lu dubu môm man pue kar utaankaruhar.

⁴³Mbalevi yô: ônov mba Yeshua u Kademiel u ken ônov mba Hodeva lu akunduatargber kar unyiin.

⁴⁴Mbawanatsam yô: ônov mba Asav lu deri man akunduahar kar anigheni.

⁴⁵Mbakuranhunda yô, ônov mba Shalum, ônov mba Ater, ônov mba Talmon, ônov mba Akubi, ônov mba Hatita, ônov mba Shobai, lu deri môm man ikundugber kar anigheni.

⁴⁶Mbasôrontempel yô: ônov mba Shiha, ônov mba Hasufa, ônov mba Tabaoti,

⁴⁷ônov mba Keroshi, ônov mba Shia, ônov mba Padon,

⁴⁸ônov mba Lebana, ônov mba Hagaba, ônov mba Salemai,

⁴⁹ônov mba Hanan, ônov mba Gidel, ônov mba Gahar,

⁵⁰ônov mba Reaia, ônov mba Reshin, ônov mba Nekoda,

⁵¹ônov mba Gasam, ônov mba Usa, ônov mba Pasea,

⁵²ônov mba Besai, ônov mba Meunim, ônov mba Nefusheshim,

⁵³ônov mba Bakebuki, ônov mba Hakufa, ônov mba Harhur,

⁵⁴ônov mba Baseliti, ônov mba Mehida, ônov mba Harsha,

⁵⁵ônov mba Barkoshi, ônov mba Shisera, ônov mba Tema,

⁵⁶ônov mba Neshia, ônov mba Hatifa.

⁵⁷Ônov mba mbatomov mba Solomon yô, lu: ônov mba Sotai, ônov mba Sofereti; ônov mba Perida,

⁵⁸ônov mba Yaala, ônov mba Darkon, ônov mba Gidel,

⁵⁹ônov mba Shefatia, ônov mba Hatil, ônov mba Pokereti-hasebaim, ônov mba Amon.

⁶⁰Kohol mbasôrontempel cii man ônov mba mbatomov mba Solomon yô, lu ior deri utar man akunduanyiingber kar uhar.

⁶¹Mba ve mough ve due ken Tel-mela man Tel-harsha man Kerubi man Adon man Imer, kpa ve fatyô u pasen uya mba uter vev man tsombor ve, er ve lu mba Iserael ga yô, ka:

⁶²ônov mba Delaia, ônov mba Tobia, ônov mba Nekoda, ve lu ior deri ataratar man akunduahar kar uhar.

⁶³Ken upristi yô: ônov mba Hobaia, ônov mba Hakoshi, ônov mba Barshilai (a er kwase ken ônkasev mba Barshilai Orgileadi, maa i yila un sha iti ve).

⁶⁴Mban yô, ve ker ape i nger tsombor ve ken mba i nger ve ken takerada u icombor ve la, kpa i tser a mi ga; ka nahan man i ver ve ken mba lun wang ga ye, i rumun ve ken tom u pristi kpaa ga.

⁶⁵Gomna kaa a ve er, ve̱ de ye icighankwaghyan la ga, saa iyange i pristi u nan lu a Urim man Tumim nana lu.

⁶⁶Iyenge i ior cii lu dubu akunduahar kar uhar man deri utar man akunduatar;

⁶⁷i wa mbatomov vev mba nomso man mba kasev ker ga; ve yô, ve lu ior dubu utaankaruhar man deri utar man ikundugber kar utaankaruhar; man shi ve lu a mbawanatsam deri uhar man akunduahar kar utaan, lu nomso man kasev.

⁶⁸Anyinya ve lu deri utaankaruhar man ikundugber kar ataratar; mbaalfadari vev lu deri uhar man akunduahar kar utaan;

⁶⁹urakumi vev lu deri unyiin man ikundugber kar utaan; ujaki vev lu dubu ataratar man deri utaankaruhar man ikundu.

⁷⁰Mbavesen mbagenev mba sha uya mba uter na kwagh sha ci u tom la. Gomna na inyaregh: zenaria kuma udariki dubu, atasa akunduahargber, man akondo a upristi deri utaan man ikundugber.

⁷¹Man shi mbavesen mbagenev mba sha uya mba uter na inyaregh sha ci u tom la; zenaria kuma udariki dubu ikundu, azurfa umina dubu uhar man deri uhar.

⁷²Man kwagh u ior mbagenev ve na yô, lu: zenaria kuma udariki dubu ikundu, man azurfa umina dubu uhar, man akondo a upristi akunduatar kar ataankarahar.

⁷³Nahan upristi kua Mbalevi man mbakuranihinda man mbawanatsam man ior mbagenev man mbasôrontempel kua Iserael cii ve za tema ken agar a ve la. Er uwer u sha utaankaruhar due yô, ônov mba Iserael lu ken agar a ve.