Read tiv Yobu 23 Bible Online

Yobu 23 - tiv bible

Yobu 23

¹Nahan Yobu kaa er:

²Nyian je kpaa mliam am ma sha ishimavihin; uwegh agh yuhwa sha mtoghor wam.

³Ma m shi fe henpe me zua a Na yô, ma m ze zan zan sha ijiir Na i teman la.

⁴Yô, ma m er kwagh wam wanger wanger sha ishigh Nagh, ma m iv zwa wam a atôakaa.

⁵Ma m fe akaaôron a Una kaam, man shi ma m kav kwagh u Una ôrom kpaa yô.

⁶Una kighir mo sha tahav Nav mbu vesenee? Ei, Una ver ato her a mo.

⁷Nahan orperapera una zamber a Na; ka nahan man me war orjir wam gbem ye.

⁸Nenge, mea za vegher u sha ityoughkitaregh, Un ngu ker ga; shin shin ityôtar kpaa, m nenge a Na ga;

⁹ken imbusutarimese, her ape A lu eren tom kpaa, m fatyô u nengen a Na ga; Una gema vegher u ken imbusutariyan kpaa, m nenge a Na ga.

¹⁰Gadia A fa er zende wam u lu yô; aluer Una karem kpaa, me due er zenaria nahan.

¹¹Nguhar wam var sha angahar a Na; m wa gbenda Na iko, m kaha ga.

¹²M hide ijime sha tindi u sha zwa Na kpaa ga; m wa akaaôron a Na iko, je hemba kwaghyan wam kpaa.

¹³Kpa Un ngu a mhen môm tsô, ka an nana gema Unu? Kwagh u a sar Un la yô, Una er.

¹⁴Gadia Una er kwagh u i verem la; ambaakaa ne nahan nga Un ken ishima kpishi.

¹⁵Ka nahan man i cier mo iyol sha ishigh Nagh ye; shighen u ka mea umbur yô, mciem ma haam iyol a Na.

¹⁶Gadia Aôndo er ishima yam, i vôr, Uhembanagee tam mciem iyol;

¹⁷gadia m ngu saan, ka sha ci u ime ga, shin ka sha ci u angôghime u a cirim ishigh ne kpaa ga.