Read tiv Yobu 26 Bible Online

Yobu 26 - tiv bible

Yobu 26

¹Tsô Yobu gema kaa er:

²Nenge, er u wase or u nan lu a agee ga la, shi u yima uwegh ku ku taver ga la kpaa!

³Nenge, er u wase or u fan kwagh ga mhen je, shi u pase kwaghfan wuee kpaa!

⁴Ka an u pase nan kwaghôron wouwe, man ka jijingi u an a dugh hen a wee?

⁵Ujijingi mba mbakpenev mba gbidyen akarkase iyol shin mkur u mnger, kua mba ve tem shimi kpaa.

⁶Sheol ngu idyelegh sha ishigh Nagh, ijiir i mtim ngi a kwagh u cirin iyol min ga.

⁷A samber imbusutarimese sha iamegh, A har tar sha ma kwagh ga.

⁸A kohol mngerem A hure ken abeen a Na a il, nahan kpaa ma pav ibeenegh ga.

⁹A yisa ishigh ki ikônough Nagh ki torough, A samber ibeenegh Nagh sha mi.

¹⁰A kpela ihwa sha ikighir i kwavmnger A ningir A tser, zan zan za ar sha ikighir i iwanger a ime.

¹¹Ityôv mbi Shaav tenger, kondo mbi iyol gbong sha mzehe Na.

¹²A kpianger zegemnger sha agee Na, A her Rahabi sha kwaghfan Na.

¹³Ka sha iôôn Na, i wanger Usha ye; uwegh Nagh kuma iyô i karen ayem.

¹⁴Nenge, akaa angan ka akaa a ken kpe u aeren a Na tsô; ka anivur u aun a Na tsô, se ongo ye! kpa mdor u agee a Na yô, ka an nana fatyô u kavena?