Read tiv Upasalmi 111 Bible Online

Upasalmi 111 - tiv bible

Upasalmi 111

¹Haleluya. Me wuese TER a ishima yam cii, ken nongo u mbaperapera kua ken mkohol kpaa.

²Ityom i TER kehe je, ka kwagh u timen sha mi hen mba i doo ve ishima cii yô.

³Tom Na ka u icivirigh man u engem kpishi kpaa, perapera Na kpaa ngu gbem sha won.

⁴A er ityom Na i kpilighyol er á umbur i yô; TER ngu a mrumun u sha mhôôn man mhôônom ma zungwen kpaa.

⁵A na mba ve cie Un la kwaghyan; Una zer umbur ikuryan Na gbem.

⁶A tese ior Nav agee a ityom Na, sha er A ne ve dyako u atôatyev yô.

⁷Ityom i sha ave Na ka i mimi man i vough kpaa; uiniezwa Nav cii ka mba dông,

⁸ve taver gbem, mayange á kera bee ga, i er ve sha mimi man perapera kpaa.

⁹A tindi ior Nav a mpaa; A ver ikuryan Na er i̱ lu gbem; iti Na ka i tseghan man i cier iyol kpaa.

¹⁰Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.