Read tiv Upasalmi 143 Bible Online

Upasalmi 143 - tiv bible

Upasalmi 143

¹Ungwa msen wam, TERE, ver ato sha uzamber av; ungwam sha jighjigh Wou man sha perapera Wou kpaa.

²De er wanakiriki Wou ijir ga, gadia ma or u umace nan ngu a ishô sha ishigh You ga.

³Gadia orihom tôv uma wam ityô a ican, a kighir uma wam hen inya je, a erem m tsa ken ajiir a imegh, er mba ve vande kpen kera ica i gbe yô.

⁴Jijingi wam ure ken a mo, ishima kondom ker cii.

⁵M umbur ayange a ngise la, m hen kwagh sha aeren a Ou cii, m hen kwagh ken ishima sha tom u ave Ou je.

⁶M ngu naregh ave am hen a We, imura kôr uma wam a We er inyaombor yô. Sela.

⁷Ungwam fefa je, TERE; kwagh gba hemban jijingi wam ve! De yeren mo ishigh You ga, m̱ de hingir er mba ve sen shin ihungwa nahan ga.

⁸Erem m̱ ungwa erdoo Wou pepe, gadia ka sha a We m suur ye. Tesem gbenda u me za yô, gadia ka sha a We m veren ishima ye.

⁹Yimam, TERE, sha ikev i mbaihomov av, ka hen We m va yer ye.

¹⁰Tesem, m̱ er ishima You, gadia We U ngu Aôndo wam; Jijingi Wou u dedoo la, A̱ za a mo ken tar u u lu vaanaa.

¹¹Taver uma wam, TERE, sha ci u iti You; sha perapera Wou la, dugh uma wam ken ican sha.

¹²Sha erdoo Wou la, wua mbaihomov av, tim mba ve kerem ihom cii kera, gadia mo m ngu wanakiriki Wou je. Ka Pasalmi u Davidi