Read tiv Upasalmi 24 Bible Online

Upasalmi 24 - tiv bible

Upasalmi 24

¹Tar ka u TER je, man m-iv u u, tar u sha won cii a mba ve lu ken u kpaa.

²Gadia ka Un je A tim u imagh sha zegemnger, man A ver u taveraa sha uikuwanmbamngerev kpaa ye.

³Ka an je nana kôndo sha uwo u TERE? Ka an je nana tile ken icighanjiir Na?

⁴Ka u nan lu a ave a wang je, man ishima i mimi kpaa la; shi nan veren ishima i nan sha gbilinkwagh ga, man nan bumun sha icugh kpaa ga yô.

⁵Ka nan nana ngohol iveren hen TER, man perapera kpaa hen Aôndo u myom u nan ye.

⁶Ungun ka kov u mba ve keren Un je la, mba ve keren ishigh You, We Aôndo u Yakob. Sela.

⁷Kende nen ityouv sha, ne ihinda; kende nen sha, ne ucivir mba tsôron, Tor u iengem A̱ nyôr.

⁸Ka an nan lu Tor u iengeme? ka TER u ageegh u A lu a tahav yô, TER ngu a tahav ken utya.

⁹Kende nen ityouv sha, ne ihinda; kende nen sha, ne ucivir mba tsôron, Tor u iengem A̱ nyôr.

¹⁰Ka an nan lu Tor u iengem nee? ka TER u akum a Sha, ka Un A lu Tor u iengem ye. Ka Pasalmi u Davidi