Read tiv Upasalmi 31 Bible Online

Upasalmi 31 - tiv bible

Upasalmi 31

¹TERE, ka sha a We m suur ye, de deen Wer m̱ va ahenge mayange ga; Yimam sha perapera Wou.

²Ver ato Ou her a mo, yimam fese; lum vande u taver man iyouutya sha u yiman mo.

³Gadia ka We, U lu barwo wam, man garutya wam kpaa ye; nahan yô, hemen mo man tesem gbenda sha ci u iti You.

⁴Dughum ken kper u ve wem ken myer ne; gadia ka We, U lu garutya wam ye.

⁵M gema jijingi wam m wa un sha ikev You; U paam, TERE, We, Aôndo u mimi.

⁶M kôr mba ve we iko sha agbilinakaa a aiegh la ihom; mo yô, m ngu suur sha TER.

⁷Me ember, me ember tsung sha erdoo Wou, gadia U nenge ican yam, U fa er i lu zan uma wam iyol yum yô.

⁸U wam sha ikev i orihom ga, kpa U verem angahar sha ijiir i gbanger.

⁹Zungwem mhôônom, TERE, gadia ishima nyian mo, m hungwa ashe ikyôr sha ci u ishima i vihin, uma wam kua iyol yam kpaa use.

¹⁰Gadia m tsa a ijungwen sha won je, man m shil ishima anyom kar, agee nga yinan mo sha ci u ifer yam, akuhe am kpaa nga vihin kera.

¹¹Mbaahendanev av ci ca cii, m hingir ve kwagh u aheenegh je, een, jim je yô, ka mba ve we ndor a mo; m hingir kwagh u cian hen ashe a mba ve fem; mba ve nenge a mo ken won kpaa, ve yevese mo.

¹²M hungul ior ca ca er orkpen nahan; m hingir er bebajôndo yô.

¹³Gadia m ungwa msende u ior kpishi, —mcieryol kase tser— mba zuan zwa sha a mo, mba henen er vea er man vea wuam yô.

¹⁴Kpa mo yô, m suur sha a We, TERE; m kaa mer: Ka We, U lu Aôndo wam ye.

¹⁵Ayange am cii nga sha ikev You, yimam sha ikev i mbaihomov av kua mba ve tevem a ican kpaa.

¹⁶Na er ishigh You ki̱ wanger sha wanakiriki Wou, yimam sha erdoo Wou.

¹⁷TERE, de deen Wer m̱ va ahenge ga, gadia m yila U. Mbaaferev ve̱ va ahenge, ve̱ cir ijô shin Sheol.

¹⁸Ityumbujôôgh i aiegh i̱ huan, i mba ve teren mbaperapera sha dang a iyolgengese man ilyaha.

¹⁹Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

²⁰U koso ve ken iuv i sha ishigh You sha mbamzoughzwa mba iorov; U yer ve ken ityumbe sha ci u iniumsuwen i sha iniombor la.

²¹I̱ wuese TER, gadia A tesem erdoo Na u kpilighyol zum u ican i tserem yum la.

²²Mo yô, er i kondom iyol yô, m kaa mer, m ndiir We ashe, nahan kpaa, U ungwa imo i uzamber av, er m yer U yô.

²³TER, A̱ doo ne ishima, ne mba i doo Un a ven la cii; TER koson mbamimi, ne orgengeseyol injar i bo kpishi.

²⁴Lu nen dông, asema a en a̱ taver, ne cii mba ne veren ishima, ne keghen TER yô. Ka Pasalmi u Davidi. Ka ityesen