Read tiv Upasalmi 46 Bible Online

Upasalmi 46 - tiv bible

Upasalmi 46

¹Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

²Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

³mngerem nam, ma hura, ma kpianger, iwo i̱ tenger sha mmough na u sha imanger la. Sela.

⁴Ifi ngu, u ukungômbamngerev nav ve ne gar u Aôndo a ember yô, ka icighanjiir u Uhembansha je la.

⁵Aôndo ngu ken atô na je, una tenger ga; Aôndo Una wase un pepe pepe je.

⁶Akuraior hunde, ityartor tenger, A ôr imo Na, tar sough.

⁷TER u akum a Sha ngu a vese; Aôndo u Yakob ka ijiir yase i yeren. Sela.

⁸Va, va nenge nen ityom i TER, A er akaacieryol shin tar,

⁹A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

¹⁰De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

¹¹TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora