Read tiv Upasalmi 48 Bible Online

Upasalmi 48 - tiv bible

Upasalmi 48

¹TER hemba, A kuma iwuese kpishi je, ken gar u Aôndo wase, sha icighanwo Na!

²A doo, ngu sha, tser tser, ka kwagh u iember sha won cii, ka uwo u Shion je la, sha vegher u sha imbusutarimese, gar u Zegetor.

³Aôndo pase iyol Na ken ayou a na a tor er Un lu ijiir i yeren yô.

⁴Gadia nenge, utor kohol ayol a ve je, ve kôndo imôngo;

⁵ve nenge a mi, tsô kondo ve iyol, cier ve iyol, ve hembe kera fefa.

⁶Ikarikase gbidye ve iyol heregh, mnyoonom kôr ve, inja er kwase ka nana toghor mar nahan.

⁷Ka sha ahumbe a sha ityoughkitaregh U hembe utso mba Tarshishi la ye.

⁸Er se ungwa yô, kape se nenge kpaa la, ken gar u TER u akum a Sha, ken gar u Aôndo wase; Aôndo Una ver un una lu gbem. Sela.

⁹Aôndo, se umbur erdoo Wou ken atô u tempel Wou.

¹⁰Er iti You i lu nahan Aôndo, kape iwuese You kpaa i nyer ken akighir a tar je la; uwegh Ough ku yanegh iv a perapera.

¹¹Uwo u Shion, u ember; ônkasev mba Yuda kpaa, ve̱ ember tsung, sha ajiraôron a Ou.

¹²Ningir Shion, zende, ningir nen un, ôr nen ugôgômbaayoughouv nav.

¹³Kenger nen ukpekpe nav doo doo, zende ken ayou a na a tor, sha er né va ôr kov u ua va mough la yô,

¹⁴er Aôndo ne A lu Aôndo wase gbem sha won yô; Una lu orhemen wase zan zan ku kpaa. Ngun ka sha ci u orhemen u mbawanatsam. Ka Pasalmi u ônov mba Kora