Read tiv Upasalmi 60 Bible Online

Upasalmi 60 - tiv bible

Upasalmi 60

¹Aôndo, U ta se kera, U sombo se, ishima vihi U; yô, shi hide a vese.

²U er tar tenger, U pav u kpaa; shi kondo ikwe i u, gadia ngu tenger.

³U tese ior Ou akaa a ican, U na se se ma zar u wain u u ne zuzumsôr.

⁴U na mbacian We tuta, Wer, ve̱ yevese ada. Sela.

⁵Sha er á yima mba ve doo U ishima yô, yima sha uwegh Ough ku yanegh, ungwa imo yase.

⁶Aôndo ôr kwagh ken icighanjiir Na: Mo Me ember yagh yagh, Me pav Shekem, man shi Me kar kwar sha pev u Sukoti.

⁷Gileadi ka u Wam, Manase kpaa ka u Wam je; Eferaim ka kwagh u yisan ityough Yagh a mi je; Yuda ka tôgh Agh;

⁸Moabi ka ikagh Yagh ki ôôn iyol a mi; sha Edom yô, Me kende ikôvough ki nguhar Yagh; Filitia yô, Me er ikenge, Me ember un.

⁹Ka an nana za a mo ken gar u taveraa? Ka an nan fetyô u zan a mo ken Edomo?

¹⁰Kera ka We, Aôndo, U te se kera gaa? U kera due a akumautya ase imôngo ga, Aôndo.

¹¹Na se iwasen sha u nôngon a or u ahendanegh, gadia iwasen i or yô, ka gbilinkwagh tsô.

¹²Ka ken Aôndo man sé eren akaageegh ye; gadia ka Un, Una ndyar mbaahendanev asev shin angahar ye. Ngun ka sha ci u orhemen u mbawanatsam; mba koho un sha adiguve. Ka Pasalmi u Davidi