Read tiv Upasalmi 66 Bible Online

Upasalmi 66 - tiv bible

Upasalmi 66

¹Ember, wuese Aôndo, we tar sha won cii,

²wa icam, ter icivir i iti Na; gema iwuese Na, i̱ hingir kwagh u icivirigh!

³Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

⁴Tar cii ua gure, ua civir We, ua wa U icam, ua ter iti You. Sela.

⁵Va, va nenge ityom i Aôndo u aeren a Na a ônov mba iorov a cier iyol yum ne:

⁶A gema zegemnger hingir tar u tseghe tseghe; ve per ifi sha angahar; keela yô, se ember Un.

⁷A tema tor sha agee a Na gbem; ashe a Na gba kenger sha akuraior; mbahendan yô, ve̱ de kera kenden ayol a ve sha ga. Sela.

⁸Yô, wuese nen Aôndo wase, ne ior, er nen er á ungwa iwuese Na;

⁹Un u A de se er se̱ lu uma her, shi A rumun er angahar ase a̱ dolough ga la.

¹⁰Gadia U kar se Aôndo, U kar se er i karen azurfa nahan.

¹¹U va a vese ken kper, U penda se ikav mbi yuhwan shin iwenge.

¹²U na ior Wer, ve̱ zende se sha ityou; se kar ken usu kua shin mnger, kpa U due a vese, U va a vese ken ijiir i akaa a ngee her yô.

¹³Me nyôr ken iyou You a nagh ku nanden, me za kure uiceghzwa av a We,

¹⁴mba ityumbuzwaagh yam ôr la, man zwa wam kpaa ôr sha shighe u ican i erem la.

¹⁵Me na U nagh ku nanden ku sha uicighanmbailev, kua nagh ku human doon ku sha anomaiyôngo; me na U nagh sha abua kua ivo. Sela.

¹⁶Ne mba ne cie Aôndo cii, va, va ungwa nen, me pase ne kwagh u A er sha ci u uma wam yô.

¹⁷M yila Un sha zwa wam, nombor wam kpaa u wuese Un.

¹⁸Mea ver ishima sha ma kwaghbo yô, Ter ma A ongo ga;

¹⁹kpa mimi je, Aôndo ungwa, A wa imo i msen wam iko.

²⁰I̱ wuese Aôndo, u A daa msen wam kera ga, shi A kar a erdoo Na hen a mo kera kpaa ga yô. Ngun ka sha ci u orhemen u mbawanatsam; i kuhwa un sha mbaadiguve. Ka Pasalmi. Ka icam kpaa