Read tiv Upasalmi 75 Bible Online

Upasalmi 75 - tiv bible

Upasalmi 75

¹Se mba wuese We, Aôndo, se mba wuese, gadia iti You ngi ikua; ior mba ôron kwagh u akaa a Ou a kpilighyol.

²Shighe u M vande veren la á va kuma yô, Mo, Me ôr ijir sha mimi.

³Shin er tar kua mba ve lu sha u cii, vea kpegher kpaa, ka Mo M tim u mtôm ye. Sela.

⁴M kaa a mbaihaghev Mer: De nen ihagh; a mbaaferev kpaa Mer: De kenden nen korough sha ga.

⁵De kera kenden nen korough enegh sha ga; man shi de kera ôron nen kwagh sha ikôr i nômbon ga.

⁶Gadia ka sha ityoughkitaregh, shin shin ityôtar, shin ken desereti man mkende a dugh ga,

⁷kpa ka Aôndo A lu Orjir ye, ka A hile a orgen ijime, A kende a orgen sha.

⁸Gadia ken uwegh ku TER yô, iyongo ngi, man zar u wain u u lu shimi ngu oso hugh, i nungwa u dedoo, ka sha i je A toon ye; mimi je akase a na la yô, mbaaferev mba shin tar cii vea mase ndeer.

⁹Kpa mo yô, me zer yôôn gbem, me wa atsam a wuese Aôndo u Yakob.

¹⁰Akor a mbaaferev cii, me tôndo a kera; kpa akor a mbaperapera yô, á kende a sha. Ngun ka sha ci u orhemen u mbawanatsam; i kuhwan un sha mbaadiguve. Ka Pasalmi u Asav. Ka icam