Read tiv Upasalmi 81 Bible Online

Upasalmi 81 - tiv bible

Upasalmi 81

¹Wa icam genger genger, wuese nen Aôndo u A lu agee ase yô; ger, ember nen Aôndo u Yakob.

²Wa nen icam, va nen a genga heen, man molo u doon imo, man adiguve u vesen kpaa.

³Tôngo nen korough sha iyange i uwer u he u u dugh yô, man sha iyange i u hingir jimin, ka iyange i iniongo yase je la.

⁴Gadia ngun ka kwaghwan hen Mbaiserael je ne, ka iniezwa i Aôndo u Yakob je la.

⁵A ver, i hingir mpase ken Yosev, zum u A due u tan num sha Igipiti, henpe m ungwa zwa u m lu a vande fan u ga yô.

⁶M tôô un ikav sha vande sha, a pase ave na sha ikese kera.

⁷U yila ken ican, man M va war u; M rumun we hen ijiir i ken myer i idyuran; M kar u hen mngerem ma Meriba. Sela.

⁸Ungwa nen ase, ne ior Av, Mo Me pase ne, we Iserael, a lu u pe ma u ver ato her a Mo yô.

⁹Ma aôndo ugen kposo a̱ de kera luun her a we ga; man shi de gur sha u civir aôndo ugen kpaa ga.

¹⁰Ka Mo TER M lu Aôndo wou ye, u M dugh a we ken tar u Igipiti yô; gbanger zwa wou, Mo Me iv u.

¹¹Kpa ior Av ver ato sha imo Yam ga, Iserael rumun Mo ga.

¹²Ka nahan man M gbihi ve sha ihembeato i sha asema ve la, Mer, ve̱ er sha mbamhen vev ayol a ve ye.

¹³Kpash! Ior Av ma ve ver ato hen a Mo, Iserael kpaa ma a zende sha igbenda Yam!

¹⁴Nahan yô, ma M hembe mbaihomov vev fefa je, ma M gem uwegh Agh ma ku hendan a mbaahendanev vev.

¹⁵Mbaihomov mba TER kpaa ma ve ve hen a Na agurenu, ican i i er ve la, ma i tser gbem sha won.

¹⁶Ma M koso ve sha iyiagh ki hemban doon, ma M ne u zar u iyoughough u ken vande je ma u kom u. Ka Pasalmi u Asav