Read tiv Upasalmi 99 Bible Online

Upasalmi 99 - tiv bible

Upasalmi 99

¹TER tema tor, ior ve̱ gbidye akarkase iyol! A tema tor, ngu sha ucerubi; tar u̱ tenger.

²TER hemba cii ken Shion; A hemba ior cii, ca je.

³Ve̱ wuese iti You i vesen i cieryol; Un ka Icighan je.

⁴Tor u ageegh u ijirôron i mimi i doo U ne, ka We, U ver kwagh u vough ye, U er ijir sha mimi, U eren sha perapera ken Yakob.

⁵Kende nen TER, Aôndo wase, sha, gure nen inya hen anar Na u pendan angahar sha mi; Un ka Icighan je.

⁶Mose man Aron lu ken upristi Nav, Samuel kpaa lu ken mba ve yer sha iti Na yô, ve yila TER, Un kpaa A rumun ve.

⁷A ôr kwagh a ve ken ityôgh ki ibeenegh; ve lu wan mbampase Nav man kwaghwan u A we ve la iko.

⁸U rumun imo ve, TERE, Aôndo wase, U lu ve Aôndo u den ve asorabo, shin er U or iyev sha aeren a ve a bo nahan kpaa.

⁹Kende nen TER, Aôndo wase, sha, gure civir nen Un sha icighanwo Na, gadia TER Aôndo wase, ka Icighan je. Ka Pasalmi u ishughun