Read tiv Orpasenkwagh 11 Bible Online

Orpasenkwagh 11 - tiv bible

Orpasenkwagh 11

¹Kende ruam wou shin mnger, gadia ayange á va kar kpishi, tsô ú zua a mi.

²Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

³Aluer abeen a iv a mgerem yô, á haa ma shin tar; man aluer kon ua gba vegher u imbusutariyan yô, shin i imese, hen ijiir i kon u gbe la, ka her ua lu ye.

⁴Or u nan ver ishima sha ahumbe yô, nana lôô ga; man shi or u nan ver ishima sha abeen kpaa nana sunda ga.

⁵Er u fe gbenda u ahumbe ga, man mlu u akuhe a ken sagh u nan we iyav la kpaa ga yô, kape tom u Aôndo u A er akaa cii kpaa u fe u ga la.

⁶Lôô ivor you pepe, man aikighe kpaa de hiden a uwegh ough ga; gadia u fa i ia doo la ga, shin ka ngin shin ka ngila, shin ihiar cii ia doo u.

⁷Mimi je, iwanger doo, ashe kpaa doo a u nengen a iyange.

⁸Een, shin or nana tsa anyom imôngo kpaa, nana̱ ember sha a cii; kpa nana̱ umbur ayange a imegh, gadia aa ngee. Akaa a a ve cii, ka a gbilinigh tsô.

⁹Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

¹⁰Nahan yô, dugh ijungwen ken ishima you kera, man kar a kwaghvihin sha iyol you kera; gadia iyev kua akase a ir ka gbilinkwagh tsô.