Read tiv I Solomon 5 Bible Online

I Solomon 5 - tiv bible

I Solomon 5

¹M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

²M gba mnyam, kpa ishima yam yô, lu per. Ungwa! u a doom ishima la! Ngu manden uwegh kaan er: Bughum hunda, anngômkwase, udoon mo ishima, atii wam u lun jighilii; gadia ityough yagh heen sha avure, amôghol a icee a am kpaa aberamnger a utu nga sha mi.

³M er riga wam; á er nan man me shi me haa unu? M ôô angahar am; á er nan man me shi me vihi a?

⁴U a doom ishima la za uwegh nagh hen ihura i hunda, kôrom ken ishima a na.

⁵M mough sha u me bugh u a doom ishima la hunda; mire lu nôndon mo sha ave, ahôaveegh a am heen sha zar u mire, u gba haan sha ishindan i hunda.

⁶M bugh u a doom ishima la hunda, kpa wen u a doom ishima la kar yem kera ve. Hingir mo ken ishima humee zum u a lu ôron kwagh la; m ker un kpa m zua a na ga, m yila un kpa a vengese ga.

⁷Mbakuran mba ve zenden ken gar la, ve zua a mo, ve gbidyem, ve vihim iyol; mbakuran mba sha gilgar la, ve ngohol mo togo sha apera.

⁸M wa ne kwagh, ne ônkasev mba Yerusalem, aluer nea zua a u a doom ishima la yô, kaa nen un ner, m hume sha dooshima.

⁹Ka sha nyi man u a doo u ishima la a hemba udoonshima ugene, we u u hembe doon ashe a kasev cii nee? Ka sha nyi man u a doo u ishima la a hembe udoonshima ugene, sha er u we se kwagh taveraa nahana?

¹⁰U a doom ishima la engem iyol man shi nyian kpaa, ior dubu pue kpaa un hemba cii.

¹¹Ityough nagh ka zenaria u dedoo je, amôghol a icee a na nga yugh yugh, ile er gugôô nahan.

¹²Ashe na nga er atii hen kpe u iwaghegh yô, i ôô a sha atumba, a tema hen uwagh u ngeen a mngerem.

¹³Ahenge a na nga er mbaagbegi mba ilyôghonov, mbi mbi kpurum ihuma i doon; ityumbuzwaagh na ka uimondon mba ityombo, ngi haan zar u mire.

¹⁴Akaseaveegh a na ka atôôn a zenaria a vingir vingir a i we iwen i topashi sha mi yô; iyol na i er i sha anyinor a engem, a i cir a awen a safir yô.

¹⁵Angahar a na nga er mtôm ma mabel ma i we ma ken agbur a zenaria u wang; mluashe na ngu er Lebanon, doo tsung er ikon i usedar nahan.

¹⁶Zwa na doo tsung, een, un cii a doo. Ka u a doom ishima je la, shi ka ikarem kpaa, ne ônkasev mba Yerusalem.