Read tiv Yesaia 55 Bible Online

Yesaia 55 - tiv bible

Yesaia 55

¹Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

²Ka nyi man ne vihin inyaregh sha kwagh u a lu kwagh u yan ga, man tom wen u tsung kpaa sha kwagh u a lu u yan kuman ga nahana? Ver nen ato her a Mo, sule nen iyol sha u ungwan, ya nen kwagh u a lu u dedoo yô, man i̱ doo uma wen iyol a taryan u wan ahôm.

³Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

⁴Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

⁵Nenge, wea yila ikurior i u fe i ga, ikurior i i fe u ga kpaa, ia va her a we ayem, sha ci u TER, Aôndo wou, man sha ci u Icighan u Iserael; gadia A civir we.

⁶Ker nen TER er ian i zuan a Na i lu her yô, yila nen Un er A lu ikua ikua ne.

⁷Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

⁸Gadia mbamhen Av ka mbamhen enev ga, igbenda yen kpaa ka igbenda Yam ga, kape TER A kaa la.

⁹Gadia er Usha ve tav sha ve gbe ica a tar nahan, kape igbenda Yam i tav i hembe igbenda yen la, mbamhen Av kpaa ve hembe mba enev je la.

¹⁰Gadia er ura kua senou ka ve sen shin inya, ve kera hide Sha ga, kpa ve gema ve ndôhôr tar, ve na u, u mende akaa, u hôm, u na orlôôn ivor, shi u na oryankwagh ruam,

¹¹kape kwaghôron Wam, u a dugh ken zwa Wam, una lu la, una hide her a Mo gbilin ga, kpa una er kwagh u M we ishima yô, ikôr ia lagh un sha kwagh u M tindi un u eren yô.

¹²Gadia nea due a iember, man á hemen ne a bem; iwo kua agungu vea ger icam i wan sha ishigh yenegh, ikon i ken toho cii kpaa ia kure ave.

¹³Kon u fer ua mende sha ityough ki saa, kon u mertel ua mende di sha ityough ki sagher; kwagh ne una hingir TER iti, icôronikav i á vihi i kera mayange je ga yô.