Read tiv Yesaia 64 Bible Online

Yesaia 64 - tiv bible

Yesaia 64

¹Ma U shi pav Usha, ma U hongo, iwo kpaa ma i tenger sha ishigh You,

²er usu ka u hia ayegheraikon, man er usu ka u na mngerem ma pagher nahan; sha u á pase mbahendan a We iti You, sha er akuraior a̱ gbidye akarkase iyol sha ishigh You yô,

³er U er akaa a cieryol a se hen kwagh sha a ga; ma U hongo, iwo ma i tenger sha ishigh You.

⁴Gadia hii ngise je ior ungwa ga, shi ve kav ken ato a ve ga, ma ishe kpaa nenge a Aôndo ugen ga, saa We, u U eren tom sha ci u or u nan veren ashe sha a We yô.

⁵Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

⁶Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

⁷Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

⁸Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

⁹De yugh tsung ga, TERE, man de umbur ifer kwagh zan zan gbem ga; shi nenge er se cii se lu ior Ou yô.

¹⁰Uicighanmbaagarev Ou hingir desereti, Shion kpaa hingir desereti, Yerusalem hingir toho.

¹¹Icighanyou wase u icivirigh, henpe uter asev wuese We la, usu hia un kera; ajiir a doon se la cii, i yôhôl a kera.

¹²Nahan kpaa er akaa ne a lu nahan yô, Ú wa ishima TERE? Ú huan ving, U er se ican tsung jee?