Read tiv Esekiel 15 Bible Online

Esekiel 15 - tiv bible

Esekiel 15

¹Kwaghôron u TER va her a mo, er:

²Wan u or, ka sha nyi je kon u wain u hembe doon a kon ugeneghe, gbaa u kon u wain u u lu shin ikô laa?

³Á tôô kon na sha u gban ma kwagh a mini? Ior mba gberen u iwev sha u haren ma kwagh sha mi kpa?

⁴Nenge, i nande u sha usu; usu hia ityô na man zwa na bee, man tiôn u her atô kpaa kôr usu, nahan shi ngu a inja sha ma tom kpa?

⁵Nenge, zum u a lu jimin la, a lu a inja sha ma tom ga, man hire hegen u usu u hie un kera, a bee, nahan shi una kuma ma tom kpa?

⁶Nahan yô, Ter AÔNDO ngu kaan nahan er: Er kon u wain u u lu ken ikô, u M ne Mer i̱ keer usu a mi yô, kape M ne mba ve tem ken Yerusalem kpaa la.

⁷Me ver ishigh Yagh sha a ve sha ihom; ve due ken usu, nahan kpaa usu ua hia ve; man vea fa er Mo M lu TER ye, zum u Me ver ishigh Yagh sha a ve sha ihom la.

⁸Man Me gema tar la ua hingir ice, sha ci u ve gbihi mimi ve kera yô, kape Ter AÔNDO A kaa ne.