Read tiv Esekiel 2 Bible Online

Esekiel 2 - tiv bible

Esekiel 2

¹A kaa mo er: Wan u or, mough, tile sha angahar a ou, M̱ ôr kwagh a we.

²Tsô Jijingi nyôr ken a mo zum u A ôr kwagh a mo la, A er m tile sha angahar a am; nahan m ungwa Un u A er kwagh a mo la.

³A kaa a mo er: Wan u or, M ngu tindin we hen Mbaiserael, hen akuraior a hendan kwagh, a a hendan a Mo yô; ve kua uter vev ve per atindi Am, zan zan nyian je.

⁴Man mbayev kpaa mba we kwagh iko ga, ve cighir asema. M ngu tindin we her a ve; kaa a ve wer; Ter AÔNDO ngu kaan nahan er:

⁵Man ve kpaa, shin vea ungwa shin vea venda—gadia ka ya u hendan je—vea fa er yan profeti lu ve her atô je yô.

⁶We, wan u or, de cie ve ga, man shi de cie akaaôron a ve kpaa ga, shin er usaa man kpamberakpa ve lu a we, man er u tem her atô u ayese nahan kpaa; de cie akaaôron a ve ga, ishima i̱ de nyian we sha mdugh u ve dughun we ashe kpaa ga, shin er ve lu ya u hendan kwagh nahan je kpaa.

⁷Ôr ve akaaôron a Am, shin vea ungwa, shin vea venda u ungwan kpaa, gadia ve ka mbahendan kwagh je.

⁸Kpa we, wan u or, ungwa kwagh u M er u ne; de lu or u hendan kwagh er ya u hendan kwagh ne nahan ga. Aver zwa wou, ya kwagh u M ne u ne.

⁹Zum u m kenger yô, nenge, i naregh uwegh her a mo, man nenge, ihurenruamabera lu ken ku;

¹⁰tsô A samber un sha ishigh Yagh; i nger un kimi kua ken ijime kpaa; man kwagh u i nger kimi yô, lu ukwelegh man mzungu man iwer i gbiren.