Read tiv Numeri 1 Bible Online

Numeri 1 - tiv bible

Numeri 1

¹TER ôr kwagh a Mose ken desereti u Senai ken tenti u kohol ker la, sha iyange i hiihii i uwer u sha uhar, sha inyom i sha uhar er ve due ken tar u Igipiti kera la, A kaa er:

²Ôr nen iyenge i ior i Mbaiserael cii, sha uipaven uipaven, sha uya mba uter, sha iyenge i ati ve, hanma nomsoor ser ser;

³i̱ hii sha mba ve kom anyom ikundu man mba ve hembe nahan, hanma or u ken Iserael u nan kom u zan ityav yô; we kua Aron, ôr nen iyenge ve sha akum akum.

⁴Ken hanma kwe á tsuwa or môm môm, ve̱ lu a ven imôngo, or u nan lu orhemenegh hen ya u uter mba nan la.

⁵Ati a mba vea lu a ven imôngo yô; ken Ruben ka Elisur wan u Sedeur;

⁶ken Shimeon yô, ka Selumiel wan u Surisadai;

⁷ken Yuda yô, ka Nakeson wan u Aminadabi;

⁸ken Isakar yô, ka Netanel wan u Suar;

⁹ken Sebulon yô, ka Eliabi wan u Helon;

¹⁰ken ônov mba Yosev yô, ken Eferaim, ka Elishama wan u Amihudi; man ken Manase, ka Gamaliel wan u Pedasur;

¹¹ken Benyamin yô, ka Abidan wan u Gideoni;

¹²ken Dan yô, ka Ahieser wan u Amisadai;

¹³ken Asher yô, ka Pagiel wan u Okeran;

¹⁴ken Gadi yô, ka Eliasav wan u Reuel;

¹⁵ken Nafetali yô, ka Ahira wan u Enan.

¹⁶Ka mba i tsuwa ve ken ior je ne, ka mbahemenev mba sha ikwe i uter vev, ka uityombaiorov mba sha uipaven mba Iserael.

¹⁷Tsô Mose man Aron kua a ior mba i ter ati a ve ne,

¹⁸ve kohol ior cii imôngo, sha iyange i hiihii i uwer u sha uhar la, ve pav sha uipaven uipaven man sha uya mba uter vev, sha iyenge i ati a ve, hii sha mba ve kom anyom ikundu man mba ve hembe nahan, ser ser,

¹⁹er TER kaa Mose nahan. A ôr iyenge ve ken desereti u Senai.

²⁰Ônov mba Ruben, waniunda u Iserael, tsombor ve, sha uipaven vev, sha uya mba uter vev, sha iyenge i ati ser ser, hanma nomsoor, hii sha mba ve kom anyom ikundu man mba ve hembe nahan, mba vea fatyô u zan ityav cii;

²¹mba ken kwe u Ruben mba i ôr iyenge ve yô, lu ior dubu akunduahar kar ataratar man deri utaan.

²²Ônov mba Shimeon yô, tsombor ve, sha uipaven vev, sha uya mba uter vev, sha iyenge i ati ser ser, hanma nomsoor, hii sha mba ve kom anyom ikundu man mba ve hembe nahan mba vea fatyô u zan ityav cii;

²³mba ken kwe u Shimeon mba i ôr iyenge ve yô, lu ior dubu akunduahargber kar utaankarunyiin man deri utar.

²⁴Ônov mba Gadi yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

²⁵mba ken kwe u Gadi, mba i ôr iyenge ve yô, lu ior dubu akunduahar kar utaan man deri ataratar man akunduahargber.

²⁶Ônov mba Yuda yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

²⁷mba ken kwe u Yuda mba i ôr iyenge ve yô, lu ior dubu akunduatargber kar unyiin man deri ataratar.

²⁸Ônov mba Isakar yô, tsombor ve, sha uipaven vev sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

²⁹mba ken kwe u Isakar mba i ôr iyenge ve yô, lu ior dubu akunduahargber kar unyiin man deri unyiin.

³⁰Ônov mba Sebulon yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

³¹mba ken kwe u Sebulon mba i ôr iyenge ve yô, lu ior dubu akunduahargber kar utaankaruhar man deri unyiin.

³²Ônov mba Yosev yô, ônov mba Eferaim, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

³³mba ken kwe u Eferaim mba i ôr iyenge ve yô, lu ior dubu akunduahar man deri utaan.

³⁴Ônov mba Manase yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

³⁵mba ken kwe u Manase mba i ôr iyenge ve yô, lu ior dubu ikundugber kar uhar man deri uhar.

³⁶Ônov mba Benyamin yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

³⁷mba ken kwe u Benyamin mba i ôr iyenge ve yô, lu ior dubu ikundugber kar utaan man deri unyiin.

³⁸Ônov mba Dan yô tsombor ve, sha uipaven vev, sha uya mba u uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

³⁹mba ken kwe u Dan mba i ôr iyenge ve yô, lu ior dubu akunduatar kar uhar man deri utaankaruhar.

⁴⁰Ônov mba Asher yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

⁴¹mba ken kwe u Asher mba i ôr iyenge ve yô, lu ior dubu akunduahar kar môm man deri utaan.

⁴²Ônov mba Nafetali yô, tsombor ve, sha uipaven vev, sha uya mba uter vev, sha iyenge i ati, hii sha mba ve kom anyom ikundu man mba ve hembe nahan, mba vea fatyô u zan ityav cii;

⁴³mba ken kwe u Nafetali mba i ôr iyenge ve yô, lu ior dubu akunduahargber kar utar man deri unyiin.

⁴⁴Ka mba i ôr iyenge ve je la; lu Mose man Aron kua mbahemenev mba Iserael mba pue kar uhar mbala ve ôr iyenge ve ye; hanmô ve va sha ci u ya u ter u nan.

⁴⁵Nahan ônov mba Iserael mba i ôr iyenge ve cii, sha uya mba uter vev, hii sha mba ve kom anyom ikundu man mba ve hembe nahan, mba ken Iserael mba vea fatyô u zan ityav cii,

⁴⁶mba i ôr iyenge ve cii, ve lu ior dubu deri ataratar dubu kar utar man deri utaan man akunduahargber.

⁴⁷Kpa Mbalevi sha kwe u uter vev yô, i ôr iyenge ve zum u i ôr mbagenev la ga.

⁴⁸Gadia TER kaa a Mose er:

⁴⁹Saa kwe u Levi tseegh ú ôr ga ye, man iyenge ve kpaa de we i ken Mbaiserael ga;

⁵⁰kpa ver Mbalevi ve̱ nengen sha tabernakel u shiada man sha ikav nav cii, kua sha hanma kwagh u a lu u na kpaa; ka ve vea tôôn tabernakel a ikav nav cii, man ka ve vea eren tom na kpaa, shi vea haan afo a ve, vea kasen tabernakel ye.

⁵¹Man á kuman u moughon a tabernakel yô, Mbalevi ve̱ sough un; á kuman u timin tabernakel kpaa, i̱ lu Mbalevi ve̱ tim ye; aluer or u ken inya nana kporom her yô, i̱ wua nan.

⁵²Mbaiserael ve̱ tim utenti vev, hanma or hen afo a nan, hanma or kpaa hen tuta u nan, sha akum a ve.

⁵³Kpa Mbalevi yô, ve̱ haa ve̱ kase tabernakel u shiada, sha er iyugh i̱ de hee sha mkohol u ior i Mbaiserael ga yô; Mbalevi ve̱ nengen sha tabernakel u shiada la.

⁵⁴Kape Mbaiserael er je la; er TER kaa Mose nahan cii, kape ve er la.