Read tiv Numeri 26 Bible Online

Numeri 26 - tiv bible

Numeri 26

¹Tsô bouange la been kera yô, TER ôr kwagh a Mose man Eleasar wan u pristi Aron, A kaa er:

²Ôr iyenge i ior i Mbaiserael cii, hii sha mba ve kom anyom ikundu man mba ve hembe nahan, sha uya mba uter vev, hanma or u Iserael u nan kom u zan ityav yô.

³Tsô Mose man pristi Eleasar ôr kwagh a ve hen ukpuunkpuun mba Moabi hen kpe u Yordan tiôn u hen Yeriko la, ve kaa er:

⁴I̱ ôr iyenge i ior, i̱ hii sha mba ve kom anyom ikundu man mba ve hembe nahan, er TER kaa Mose kua Mbaiserael, mba ve due ken Igipiti la nahan.

⁵Ruben lu waniunda u Iserael; ônov mba Ruben yô, ka: Hanoki orhemenegh u ipaven u Mbahanoki; Palu orhemenegh u ipaven u Mbapalu;

⁶Heseron orhemenegh u ipaven u Mbaheseron; Karmi orhemenegh u ipaven u Mbakarmi.

⁷Ka uipaven mba Mbaruben je ne; mba i ôr iyenge ve yô, lu ior dubu akunduahar kar utar man deri utaankaruhar man ikundugber.

⁸Ônov mba Palu yô, ka Eliabi.

⁹Ônov mba Eliabi yô, ka: Nemuel man Datan kua Abiram. Mban ka Datan man Abiram mba i tsuwa ve ken ior, mba ve hingir num a Mose man Aron a ior mba Koraki la imôngo, zum u ve hingir num a TER la,

¹⁰nahan inya aver zwa, mena ve a Koraki imôngo, zum u ior mbala kpe la; ka shighe u usu hia ior deri uhar man akunduahargber, maa ve hingir ikav je.

¹¹Kpa ônov mba Koraki yô, kpe ga.

¹²Ônov mba Shimeon sha uipaven vev yô, ka: Nemuel orhemenegh u ipaven u Mbanemuel; Yamin orhemenegh u ipaven u Mbayamin; Yakin orhemenegh u ipaven u Mbayakin;

¹³Seraki orhemenegh u ipaven u Mbaseraki; Shaul orhemenegh u ipaven u Mbashaul.

¹⁴Ka uipaven mba Mbashimeon je ne; lu ior dubu ikundu kar uhar man deri uhar.

¹⁵Ônov mba Gadi sha uipaven vev yô, ka: Sefon orhemenegh u ipaven u Mbasefon; Hagi orhemenegh u ipaven u Mbahagi; Shuni orhemenegh u ipaven u Mbashuni;

¹⁶Oseni orhemenegh u ipaven u Mbaoseni; Eri orhemenegh u ipaven u Mbaeri;

¹⁷Arodi orhemenegh u ipaven u Mbaarodi; Arelu orhemenegh u ipaven u Mbaarelu.

¹⁸Ka uipaven mba ônov mba Gadi mba i ôr iyenge ve je ne; lu ior dubu akunduahar man deri utaan.

¹⁹Ônov mba Yuda ka: Er man Onan; Er man Onan yô, ve kpe ken tar u Kanaan.

²⁰Ônov mba Yuda sha uipaven vev yô, ka: Shela orhemenegh u ipaven u Mbashela; Perese orhemenegh u ipaven u Mbaperese; Seraki orhemenegh u ipaven u Mbaseraki.

²¹Ônov mba Perese yô, ka: Heseron orhemenegh u ipaven u Mbaheseron; Hamul orhemenegh u ipaven u Mbahamul.

²²Ka uipaven mba Yuda mba i ôr iyenge ve je ne; lu ior dubu akunduatargber kar ataratar man deri utaan.

²³Ônov mba Isakar sha uipaven vev yô, ka: Tola orhemenegh u ipaven u Mbatola; Pua orhemenegh u ipaven u Mbapua;

²⁴Yashubi orhemenegh u ipaven u Mbayasubi; Shimeron orhemenegh u ipaven u Mbashimeron.

²⁵Ka uipaven mba Isakar mba i ôr iyenge ve je ne; lu ior dubu akunduatar kar unyiin man deri utar.

²⁶Ônov mba Sebulon sha uipaven vev yô, ka: Seredi orhemenegh u ipaven u Mbaseredi; Elon orhemenegh u ipaven u Mbaelon; Yahel orhemenegh u ipaven u Mbayahel.

²⁷Ka uipaven mba Mbasebulon mba i ôr iyenge ve je ne; lu ior dubu akunduatar man deri utaan.

²⁸Ônov mba Yosev sha uipaven vev yô, ka: Manase man Eferaim.

²⁹Ônov mba Manase yô, ka: Makir orhemenegh u ipaven u Mbamakir; Makir mar Gileadi, Gileadi gema lu orhemenegh u ipaven u Mbagileadi.

³⁰Ônov mba Gileadi yô, ka: Ieser orhemenegh u ipaven u Mbaieser; Heleki orhemenegh u ipaven u Mbaheleki;

³¹Aseriel orhemenegh u ipaven u Mbaaseriel; Shekem orhemenegh u ipaven u Mbashekem;

³²Shemida orhemenegh u ipaven u Mbashemida; Hefer orhemenegh u ipaven u Mbahefer.

³³Selofehadi wan u Hefer lu a wan u nomso ga, a lu a ônov mba kasev tseegh; ati a ônov mba kasev mba Selofehadi yô, ka: Mahela man Noa man Hogela man Milka kua Tirsa.

³⁴Ka uipaven mba Manase mba i ôr iyenge ve je ne; lu ior dubu akunduahargber kar uhar man deri utaankaruhar.

³⁵Ônov mba Eferaim sha uipaven vev yô, ka: Sutela orhemenegh u ipaven u Mabasetula; Tahan Beker orhemenegh u ipaven u Mbabeker;

³⁶Ônov mba Sutela yô, ka: Eran orhemenegh u ipaven u Mbaeran.

³⁷Ka uipaven mba ônov mba Eferaim mba i ôr iyenge ve je ne; lu ior dubu ikundugber kar uhar man deri utaan. Ka ônov mba Yosev sha uipaven vev je ne.

³⁸Ônov mba Benyamin sha uipaven vev yô, ka: Bela orhemenegh u ipaven u Mbabela; Asebel orhemenegh u ipaven u Mbaasebel; Ahiram orhemenegh u ipaven u Mbaahiram;

³⁹Shefufam orhemenegh u ipaven u Mbashefufam; Hufam orhemenegh u ipaven u Mbahufam.

⁴⁰Ônov mba Bela yô, ka Ardi kua Naaman; Ardi lu orhemenegh u ipaven u Mbaardi; Naaman gema lu orhemenegh u ipaven u Mbanaaman.

⁴¹Ka ônov mba Benyamin sha uipaven vev mba i ôr iyenge ve je ne; lu ior dubu akunduahar kar utaan man deri ataratar.

⁴²Ônov mba Dan sha uipaven vev yô, ka: Suham orhemenegh u uipaven mba Mbasuham; ka uipaven mba Dan sha uipaven vev je ne.

⁴³Uipaven mba Mbasuham cii, mba i ôr iyenge ve yô, lu ior dubu akunduatar kar unyiin man deri unyiin.

⁴⁴Ônov mba Asher sha uipaven vev yô, ka: Imna orhemenegh u ipaven u Mbaimna: Ishevi orhemenegh u ipaven u Mbaishevi; Beria orhemenegh u ipaven u Mbaberia.

⁴⁵Ônov mba Beria yô, ka: Heber orhemenegh u ipaven u Mbaheber; Malkiel orhemenegh u ipaven u Mbamalkiel.

⁴⁶Iti i wan u Asher u kwase er Sera.

⁴⁷Ka uipaven mba ônov mba Asher mba i ôr iyenge ve je ne; lu ior dubu akunduahargber kar utar man deri unyiin.

⁴⁸Ônov mba Nafetali sha uipaven vev yô, ka: Yakeseel orhemenegh u ipaven u Mbayakeseel; Guni orhemenegh u ipaven u Mbaguni;

⁴⁹Yeser orhemenegh u ipaven u Mbayeser; Shilem orhemenegh u ipaven u Mbashilem.

⁵⁰Ka uipaven mba Nafetali sha uipaven vev mba i ôr iyenge ve je ne; lu ior dubu akunduahar kar utaan man deri unyiin.

⁵¹Ka ônov mba Iserael mba i er iyenge ve je ne; lu ior dubu deri ataratar dubu kar môm man deri utaankaruhar man ikundugber.

⁵²Tsô TER ôr kwagh a Mose kaa er:

⁵³I̱ kar ior mban tar sha iyenge i ati ve la, u̱ hingir dyako ve.

⁵⁴Mba ve ngee yô, na ve dyako a̱ ngee; mba ve ndahar yô, na ve dyako a̱ ndahar; na hanma kwe dyako sha mlu u iyenge i u la.

⁵⁵Nahan kpaa, ka sha ishor i eren á kar tar la ye; ka sha ati a ikwe i uter vev vea ya dyako ye.

⁵⁶Ka sha ishor i eren man á kar mba ve ngee man mba ve ndahar la kpaa, dyako ve ye.

⁵⁷Mbalevi mba i er iyenge ve sha uipaven vev yô, ka: Gershon orhemenegh u ipaven u Mbagershon; Kohati orhemenegh u ipaven u Mbakohati; Merari orhemenegh u ipaven u Mbamerari.

⁵⁸Uipaven mba Levi yô, ka: Ipaven u Mbalibeni man ipaven u Mbaheberon man ipaven u Mbamaheli man ipaven u Mbamushi kua ipaven u Mbakora. Kohati mar Amram.

⁵⁹Iti i kwase u Amram er Yokebedi, wan u Levi, u Levi mar un ken Igipiti la; ônov mba a mar a Amram ka: Aron man Mose kwa Miriam anngô ve u kwase.

⁶⁰Aron mar Nadabi man Abihu man Eleasar kua Itamar.

⁶¹Nadabi man Abihu yô, ve kpe, zum u ve na nagh sha usu ugen kposo sha ishigh ki TER la.

⁶²Mba i ôr iyenge ve yô, lu ior dubu ikundu kar utar; hanma nomsoor hii sha mba ve kom uwer môm man mba ve hembe nahan; gadia i na ve dyako ken ônov mba Iserael ga.

⁶³Ka ve mba Mose vea pristi Eleasar ôr iyenge ve ne; ve ôr iyenge i ônov mba Iserael hen ukpuunkpuun mba Moabi hen kpe u Yordan tiôn u hen Yeriko la.

⁶⁴Mba Mose man pristi Aron vande ôron iyenge ve zum u ve ôr iyenge i ônov mba Iserael ken desereti u Senai la yô, mô ve môm kera lu ken mban ga.

⁶⁵Gadia TER ôr kwagh ve er: Vea kpe ken desereti kpee; nahan mô ve môm kera shi ga, saa Kalebu wan u Yefune man Yosua wan u Nun.