Read tiv Mateu 16 Bible Online

Mateu 16 - tiv bible

Mateu 16

¹Tsô Mbafarishi man Mbasadushi va her a Na, lu va karen Un, ve pine Un er ma A tese ve ivande i Sha.

²Kpa A gema A kaa a ve er: [Iyange ka ia bee yô, ne kaa ner: Ura ua nôô, gadia nyian sha.

³A lu pepe yô, ne kaan ner: Nyian Aôndo kohol ura gadia nyian sha man abeen due. Ne mba kaven akaa a sha kwavaôndo, kpa ne mba fetyô u kaven uivande mba ve tesen mlu u ashighe gaa?].

⁴Kov u ifer u idya ngu keren ivande kpa á na u ma ivande ga, saa di ivande i Yona tsô. Tsô A undu ve A yem.

⁵Er mbahenen Nav per yem yande la yô, hungul ve ve tôô bredi ga.

⁶Yesu kaa a ve er: Ver nen ishima, kura nen ayol sha kwa u Mbafarishi man Mbasadushi.

⁷Nahan ve gba henen ayol a ve er: Ka sha ci u se tee bredi ga yôô?

⁸Tsô er Yesu kav nahan yô, A kaa er: Ne mba ne lu a anjighjigh u nan kpeghee ne, ka nyi ne henen ayol a en ner, ne mba a bredi ga?

⁹Ne mba a kav gaa? Man m-umbur kpaa ne kera umbur gaa? Ubredi utaan mba i na ior dubu utaan la, lu akese a me ne kuraa?

¹⁰Man ubredi mba utaankaruhar mba i na ior dubu unyiin la, lu akese a me ne kuraa?

¹¹Ka kwagh u bredi M er ne ga, man er nan ne kav ga nahana? Kpa kura nen ayol sha kwa u Mbafarishi man Mbasadushi.

¹²Nahan ve kav er i kera lu kwa u bredi man A lu kaan a ve er ve kura ayol sha min ga yô, kpa lu sha ityesen i Mbafarishi man Mbasadushi la.

¹³Tsô zum u Yesu va ken tar u Sesaria Filipi yô, A pine mbahenen Nav er: Ior mba kaan er, Wan u or, ka ana?

¹⁴Ve kaa er: Mbagenev mba kaan er: Ka Yohane u eren batisema, mbagenev yô, er: Ka Eliya; man mbagenev di er: Ka Yeremia; gayô, ka mô gen ken uprofeti.

¹⁵A kaa a ve er: Tsô ne yô, ne mba kaan ner, Mo M ngu ana?

¹⁶Shimon Peteru gema kaa er: We U ngu Kristu Wan u Aôndo u uma.

¹⁷Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

¹⁸Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

¹⁹Man shi Me na u uishindan mba tartor u Sha; hanma kwagh u wea kange shin tar ne yô, una lu uikangen Sha, man hanma kwagh u wea sagh un shin tar ne yô, á sagh un Sha kpaa.

²⁰Tsô A ta mbahenen Nav icin er ve̱ de kera kaan man or er Un lu Kristu ga.

²¹Hii hen shighe la je, Yesu hii u pasen mbahenen Nav er, ka u Una za hen Yerusalem keng je yô, Una ya ican sha akaa kpishi sha ikev i mbatamen man upristi mba tamen kua mbangeren man á wua Un, kpa sha iyange i sha utar la á nder Un.

²²Kpa Peteru ta ibalegh a Na, gba zôhôn a Na, kaan er: Aôndo A̱ bunde kwagh la, Tere, a̱ de tseren We ga.

²³Kpa A gema ashe a kaa a Peteru er: Hirem ken ijime kera, Satan, u ngum kwagh u nan gbev mbu nôngon, gadia u we iko sha akaa a a lu a Aôndo ga, saa a ior tsô.

²⁴Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

²⁵Gadia hanma or u i sar nan pe yiman uma u nan yô, una saa nan a saa, kpa hanmô u uma u nan una saa nan sha ci Wam yô, nana zua a zua a mi je.

²⁶Gadia aluer or á zua a tar cii, kpa uma u nan una gema á saa nan yô, á doo nan sha nyi? Shin ka nyi kwagh man or nana na sha u paan uma u nan sha mini?

²⁷Gadia Wan u or Una na hanma or sha aeren a nan.

²⁸Mimi je M kaan ne ne, mba ve til heen ne, mbagenev ker ka mba vea bende a ku je ga, saa vea vande nengen a Wan u or Una lu van ken tartor Na ve.