Read tiv Duteronomi 27 Bible Online

Duteronomi 27 - tiv bible

Duteronomi 27

¹Tsô Mose kua mbatamen mba Iserael kaa a ior er: Waan nen atindi a m we ne nyian ne cii iko.

²Sha iyange i né per Yordan ne, né nyôr ken tar u TER, Aôndo wou, Una na u la yô, tim uzegembaawenev, shighe ve icigh ki pupuu.

³Zum u ú per yô, nger akaaôron a tindi ne cii sha mi, sha er u nyôr ken tar u TER, Aôndo wou, Una na u la, tar u u dumbur a atumbabua man iyough, er TER, Aôndo u uter ou, lu tôndo zwa a we nahan.

⁴Zum u né per Yordan yô, tim nen awen a m kaa ne nyian ne, sha uwo u Ebal, shighe a icigh ki pupuu.

⁵Ta atse a TER, Aôndo wou, a nanden nagh sha mi her, atse a awen; de gbidyen iyôgh sha a ga.

⁶Ka sha awen a i koo a ga, ú ta atse a TER, Aôndo wou, ye; na TER, Aôndo wou, iniav mbi nanden sha a.

⁷Sôngo iniav mbi bem kpaa, ya her; ember sha ishigh ki TER, Aôndo wou.

⁸Man shi gema akaaôron a tindi ne cii nger a wanger wanger sha awen la.

⁹Tsô Mose kua upristi mba Mbalevi, ve ôr kwagh a Iserael cii, ve kaa er: Huan ving, Iserael, ver ato. Nyian u hingir ikurior i TER, Aôndo wou, ve.

¹⁰Yô, ungwa imo i TER, Aôndo wou, er sha atindi a Na man akaawan a Na a m we u nyian ne.

¹¹Tsô sha iyange la, Mose kaa a ior er:

¹²Zum u né per Yordan yô, mba vea tile sha uwo u Gerishim ve̱ na ior iveren, ka: Shimeon man Levi man Yuda man Isaka man Yosev kua Benyamin;

¹³mba vea tile sha uwo u Ebal sha u wan ifan, ka: Ruben man Gadi man Asher man Sebulon man Dan kua Nafetali.

¹⁴Mbalevi ve̱ gema ve̱ kaa ior mba Iserael cii, sha imo i tiaver er:

¹⁵Ifan i̱ kôr or u nan er eev mbu gban shin mbu keren a ker yô, ka TER kwagh u ihôngorough je, ka tomaveegh u or u fan kwaghgban, u nan ver mbu myer yô. Nahan ior cii ve̱ rumun er: Amen.

¹⁶Ifan i̱ kôr or u nan laha ter shin ngô u nan la. Ior cii ve̱ rumun er: Amen.

¹⁷Ifan i̱ kôr or u nan kper a ikav i ipaventar i, u a we ndor a nan la. Ior cii ve̱ rumun er: Amen.

¹⁸Ifan i̱ kôr or u nan tsugh orapirashe sha kwagh u gbenda yô. Ior cii ve̱ rumun er: Amen.

¹⁹Ifan i̱ kôr or u nan vihi ijiir i shiror shin ancôghol shin kwasecôghol. Ior cii ve̱ rumun er: Amen.

²⁰Ifan i̱ kôr or u nan yav a kwase u ter u nan yô; gadia nan bugh ikondo i ter u nan. Ior cii ve̱ rumun er: Amen.

²¹Ifan i̱ kôr or u nan yav a hanma inja zendenya. Ior cii ve̱ rumun er: Amen.

²²Ifan i̱ kôr or u nan yav a anngô u nan u kwase, ka wan u ter u nan u kwase, shin wan u ngô u nan u kwase je la. Ior cii ve̱ rumun er: Amen.

²³Ifan i̱ kôr or u nan yav a ngôkem u nan yô. Ior cii ve̱ rumun er: Amen.

²⁴Ifan i̱ kôr or u nan woo or u nan we ndor a nan myer la. Ior cii ve̱ rumun er: Amen.

²⁵Ifan i̱ kôr or u nan ngohol injar sha u wuan or u nan lu a ibo ga la. Ior cii ve̱ rumun er: Amen.

²⁶Ifan i̱ kôr or u nan kera we iko u eren sha akaaôron a atindi ne ga yô. Ior cii ve̱ rumun er: Amen.