Read tiv 1 Mbakorinte 16 Bible Online

1 Mbakorinte 16 - tiv bible

1 Mbakorinte 16

¹Sha kwagh u inyaregh ki kohol sha ci u uicighanmbaiorov la yô, ne kpaa, er nen er lu m wa nongo u Kristu u ken Galatia la kwagh nahan.

²Hanma lahadi, sha iyange i lahadi la je, hanmô wen nana̱ ver kwagh sha agee a nan, nana̱ koson un her sha er zum u me va la, i̱ de gbe kohol kwagh ken shighe la ga yô.

³Zum u me va nyôr yô, mba ne nenge ve kom la, me tindi ve a uwashika, ve̱ tôô iwua yen la, ve̱ yem a mi ken Yerusalem.

⁴Man aluer a va gba u mo kpaa me za yô, vea za a mo imôngo.

⁵Me kar ken Masedonia man me va hen ven ye, gadia m ngu karen ken Masedonia.

⁶Ka ken ven man me va tsa, shighe á kar kpuaa ye. Alaghga fam cii je kpaa me tsa, sha u né wam ikav mbi zendev zum u me mough me yem ken hemen yô.

⁷Gadia kera sarem pe nengen a ven hen kwa ne karen yemen tsô ga, gadia m ver ishima mer, me ngôôr a ven aluer Ter Una rumun yô.

⁸Kpa me ngôôr ken Efese zan zan iyange i Pentekosti.

⁹Gadia hunda u vesen man u ageegh bughum man mbaahendanev gema ngee.

¹⁰Zum u Timoteu una va yô, nôngo nen, a̱ de lu ken a ven a mciem iyol ga, gadia wen kpaa eren tom u Ter er mo nahan.

¹¹Nahan yô, ma or nana̱ de lahan un ga. Kpa wa nen un ikav bem bem, a̱ va, a̱ va kohol mo. Gadia m ngu keghen un a anmgbianev.

¹²Sha kwagh u anmgbian wase Apolo yô, m zamber a na kpishi mer, a̱ za her a ven a anmgbianev imôngo, kpa sar un pe zan hegen je ga, una za shighe u ian ia va due yô.

¹³Kuran nen, tile nen dông sha jighjigh u nan. Lu nen nomsombaiorov, taver nen iyol.

¹⁴I̱ eren hanma kwagh wen cii sha dooshima.

¹⁵M ngu zamber a ven, anmgbianev; ne fa er ya u Sefana a lu iyiagh ki tsutswagh ken Akaia man er ve na ayol a ve sha u eren uicighanmbaiorov tom yô.

¹⁶Ne kpaa ungwan nen imo i ambaaior la, man shi mba ve eren tom imôngo la cii, shi ve nenge sha gbashima kpaa.

¹⁷Sefana man Fortunatu kua Akaiku za va nahan m ember je gadia ve va seer kwagh u a yen ken a mo er ne lu a mo ga la.

¹⁸Gadia ve taver jijingi wam kua u wen. Rumun nen ambaaior ne.

¹⁹Iniongo i Kristu i ken Ashia ngi sughun ne. Akula man Prishila a nongo u Kristu u ken ya ve la, mba sughun ne ken Ter kpishi je.

²⁰Anmgbianev cii mba sughun ne. Sugh nen ayol a en sha icighanzwa u susen.

²¹Ishughun yam i mo, Paulu, m ngu sughun ne sha uwegh agh je.

²²Aluer Ter Una doo or ishima ga yô, ifan i̱ kôr nan. Maranata. (Ter ngu van.)

²³Mrumun u sha mhôôn u Ter Yesu a̱ lu a ven.

²⁴Dooshima wam a̱ lu a ven cii ken Kristu Yesu.