Read tiv Mbagalatia 6 Bible Online

Mbagalatia 6 - tiv bible

Mbagalatia 6

¹Anmgbianev av, aluer a kohol or a ma gbev mbu nôngon ave yô, ne mba ne lu ken jijingi yô, kôôm nen imbaor la sha ishima i legh legh; kpa nenge sha iyol you sha er we kpaa i̱ de meen we ga yô.

²Wasen nen ikav ayol a en, ka nahan man né er sha tindi u Kristu vough ye.

³Aluer ma or nana hen er nan ngu ma kwagh kpa nan gba kwagh ga yô, nan ngu tsughun iyol i nan.

⁴Hanma or nana̱ kar tom u nan iyol i nan, ka nahan man nana lu a ityôikaa i tan ihagh ken iyol i nan tseegh, á kera lu sha kwagh u orgen ga ye.

⁵Gadia hanma or nana va tôô ikav mbi nan iyol i nan je.

⁶Or u i lu tesen nan kwaghôron u Aôndo yô, nana̱ kar akaa a doon cii vea or u tesen la.

⁷I̱ de tsughun ne ga, mba nahan Aôndo tar ga. Kwagh u or nan lee yô, shi ka un je nana sunda ye.

⁸Gadia or u nana lôô ken Jijingi yô, shi ka di sha Jijingi nana sunda uma u tsôron ye.

⁹Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

¹⁰Nahan er se lu a ian yô, se eren nen akaa a doon a ior cii, kpa jim je yô, ka mbananjighjigh.

¹¹Nenge asangeakaa a kehen a m nger ne sha uwegh agh iyol yam ne.

¹²Ka mbala mba i sar ve pe mongor sha ashe a ior la man ve lu nôngon pe kighir ne sha u ne̱ tsôngo ye, ka sha u i̱ de kera tôvon ve a ican sha kwagh u terankon u Kristu la ga yô.

¹³Gadia mba ve tsenge je kpaa, ve ayol a ve mba kuran atindi ga, kpa sar ve pe ma ne tsenge sha u vea ta ihagh sha iyol yen yô.

¹⁴Kpa mo yô, me ta ihagh je ga, saa di sha terankon u Ter wase Yesu Kristu, ka sha u je man i mandem tar, mo kpaa i mandem sha terankon sha kwagh u taregh ye.

¹⁵Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

¹⁶Man mba ve dondo tindi ngun ne cii yô, bem man mhôônom ma zungwen ma̱ lu sha a ve kua sha Iserael u Aôndo kpaa.

¹⁷Ken hemen yô, or a̱ de kera shi zem iyol ga, gadia mo m ngu a ayol a avavegh a Yesu sha iyol yam.

¹⁸Mrumun u sha mhôôn u Ter wase Yesu Kristu a̱ lu a ujijingi enev, anmgbianev. (Amen)