Read tiv 1 Mbatesalonika 1 Bible Online

1 Mbatesalonika 1 - tiv bible

1 Mbatesalonika 1

¹Paulu man Siluanu man Timoteu mba sughun nongo u Kristu u Mbatesalonika u ken Aôndo Ter man Ter Yesu Kristu. Mrumun u sha mhôôn man bem ve̱ lu sha a ven.

²Se mba sughun Aôndo gbem sha ci wen cii, umbur ne ken mbamsen asev.

³Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.

⁴Gayô, se fa mtsough wen, ne anmgbianev mba ne doo Aôndo ishima.

⁵Gadia ivangeli yase va her a ven, lu sha kwaghôron tseegh ga kpa lu sha agee man sha Icighan Jijingi man gbar gbar kpishi je. Ne fa anzaior a se lu her atô wen sha ci wen yô.

⁶Ne hingir mbakaven se man shi Ter kpaa, gadia lu sha ican kpishi man ne rumun kwaghôron u Aôndo sha iember i Icighan Jijingi ye.

⁷Nahan ne hingir ikav hen mbananjighjigh ken Masedonia man Akaya cii.

⁸Gadia ka her a ven man kwaghôron u Ter hura nyôr ken Masedonia man Akaya tseegh ga, kpa kwagh u jighjigh wen u nan u ne ne Aôndo la, samber ken hanma ijiir cii, je kera gba u se ôr ma kwagh ga.

⁹Gadia ve ayol a ve je kpaa mba ôron kwagh wase sha injamnyer i se nyôr her a ven, man er ne gema her Aôndo, ne undu akombo, sha u né eren Aôndo u uma man u mimi la tom,

¹⁰man né keghen mhir u Wan Na Sha, u A nder Un shin mbakpenev, ka Yesu u A yem se sha iyugh i i lu van la.