Read tiv 1 Timoteu 2 Bible Online

1 Timoteu 2 - tiv bible

1 Timoteu 2

¹Nahan hiihii yô, m ngu wan kwagh mer, i̱ zamber, i̱ eren mbamsen, i̱ sônon sha ci u ior, man i̱ sughun Aôndo sha ci u ior ci ca cii,

²sha ci u utor man ve mba i ver ve sha a-an a icivirigh la cii sha u se̱ tema bem bem, ayôôso a̱ de lu ga, ken mciviraôndo kua mlu u sha inja sha inja sha hanma gbenda cii.

³Ka kwagh u doon man shi kwagh u á rumun un sha ishigh ki Aôndo Oryiman wase.

⁴Sar Un u ior cii ve̱ war ve̱ ar sha mfe u fan mimi la.

⁵Gadia Aôndo ngu môm tsô, Orhimen u her atô u Aôndo a ior kpaa ngu môm, ka or, ka Kristu Yesu

⁶u A ne iyol Na hingir ipaa sha ci u ior cii. I er shiada sha kwagh ne er shighe va kuma vough yô.

⁷Ka sha kwagh ne man i verem or u yôôn man apostoli kpaa ye, ka mimi m er ye, ka aie m eren ga, i verem ortesen u atôatyev u sha jighjigh u nan man mimi.

⁸Nahan yô, sarem pe nomso ve̱ eren msen sha hanma ijiir, ve̱ kenden ave a wang sha, i̱ de lu sha ishima i vihin ga, ayôôso kpaa ga.

⁹Shi sarem pe kasev di kpaa ve̱ wuhan ayol a ve daalaa, i̱ lu sha kwaghfan man akuma akuma kpaa, i̱ de lu sha gbatyou u gban, shin sha zenaria shin sha utagbede shin sha akondo a taver ishe kpaa ga,

¹⁰kpa i̱ lu sha aeren a dedoo er i kom u kasev mba ve kaa er ve mba cian Aôndo mimi vea er yô.

¹¹Kwase nana̱ lu ving, nana̱ rumun i̱ tese nan, na̱na̱ ungwan kwagh doo doo.

¹²Kpa u tesen yô, m rumun mer, kwase nana̱ tese ga, shin u eren tahav sha nom u nan kpaa ga, kpa nana̱ lu ving.

¹³Gadia ka Adam i vande gban un man i mase Ifa ye.

¹⁴Adam yô, i tsugh un ga, kpa ka kwase man i tsugh un a hingir u peren tindi ye.

¹⁵Kpa una war sha ônov mba maren aluer una tile ken jighjigh u nan man dooshima man mtsegh man u eren kwagh sha kwaghfan yô.