Read tiv 2 Peteru 3 Bible Online

2 Peteru 3 - tiv bible

2 Peteru 3

¹Ne mbadoon mo ishima, ka washika u sha uhar u m lu ngeren ne je ne. Ken ve uhar cii sarem pe umbur ne akaa, nderen ishima yen i wang.

²Ka sha er né umbur akaaôron a uicighanmbaprofeti ngise lu ôron la man shi tindi u Ter Oryiman la, u mbaapostoli enev ve ôr la.

³Kwagh u hiihii yô, fa nen er ken ayange a masejime mbanahantar vea due a tarnahan, vea zende sha asaren a ve ayol a ve.

⁴Vea kaa er ityendezwa i m-ande Na ngi hana? Gadia hii sha shighe u uter kpe kera la akaa cii nga her di er a lu sha mhii u igbetar la nahan.

⁵Kwagh ne hungul ve sha apera er sha imo i Aôndo yô, Usha lu tsuaa je kua tar kpaa u u dugh shin mnger man i er u sha mnger kpaa.

⁶Ka sha ve kpaa man tar u u lu hen shighe la, mngerem uve u, u tim kera ye.

⁷Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.

⁸Kpa ne mbadoon mo ishima, kwagh môm ne tsô yô, a̱ de hungul ne ga, hen Ter yô, iyange i môm ngi er anyom dubu nahan, anyom dubu di gema nga er iyange i môm nahan.

⁹Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.

¹⁰Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.

¹¹Er akaa cii á va sough kera nahan yô, doo u né lu ken icighanmlu man né lu civir Aôndo nana?

¹²Er ne keghen mve u iyange i Aôndo, man ne eren sha u i̱ va fefa yô; sha iyange la yô, Usha vea yegh vea saa kera man asemaakaa cii aa hia aa sough kera.

¹³Kpa se mba keghen Usha mba hev je man tar u he u perapera una tema ker yô, sha ityendezwa Na la.

¹⁴Ne mbadoon mo ishima, er ne lu keghen akaa ne yô, nôngo nen tsung sha u á kohol ne ken bem sha ishigh Nagh né lu wang a acôghol iyol ga yô.

¹⁵Man shi fa nen er ishima i wan i Ter wase la i lu myom yô. Kape anmgbian wase u doon se ishima Paulu kpaa, sha kwaghfan u i ne un la a nger ne je ne;

¹⁶er a ôr akaa ne ken uwashika nav cii nahan. Akaa agen ken ve je yô, ka ican u kaven; ka a je man mbalanenkwagh kua mbalun asema pee pee la, ka ve kôr a, ve goom a mi hingir mtim sha ayol a ve; di er ve eren a uicighanmbauruamabera mbagenev kpaa nahan.

¹⁷Ne mbadoon mo ishima, er ne vande fan kwagh ne nahan yô, kuran nen i̱ de kera kôron ne i̱ urugh ne sha mtsum u mbarumun atindi ga la er né gba sha mtil wen la ga yô.

¹⁸Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.