Read tiv 1 Yohane 1 Bible Online

1 Yohane 1 - tiv bible

1 Yohane 1

¹Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—

²uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

³ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

⁴Akaa ne yô, se mba ngeren ne a sha er iember yase ia hôm yô.

⁵Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

⁶Aluer se kaa ser se zua a Na man se gema se zenden ken ime yô, se mba eren aie, ka mimi se eren ga.

⁷Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

⁸Aluer se kaa ser, se mba a isholibo ga yô, se mba tsughun ayol a ase tsô, mimi yô, ngu ken a vese ga.

⁹Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.

¹⁰Aluer se kaa ser se er isholibo ga yô, se mba yilan Un aie man shi kwaghôron Na ngu ken a vese kpaa ga.