Read tiv Mpase U Yohane 9 Bible Online

Mpase U Yohane 9 - tiv bible

Mpase U Yohane 9

¹Ortyom u Sha u sha utaan kpaa tôngo, tsô m nenge ishan i i osough Sha i gbe shin tar la, man i na un ishindan u ihungwa i i ze kweng la.

²Nahan a bugh ihungwa i i ze kweng la maa mnyim gba duen shin ihungwa la er ka mnyim ma zegeusu u iwaagh nahan, iyange man kwavaôndo wa ime sha ci u mnyim ma ihungwa mara.

³Ken mnyim mara yô, mbaahungwa due kimi va sha tar man i na ve tahav er ayese a sha tar a lu a tahav nahan.

⁴I ta ve icin er ve̱ de vihin toho u sha tar ga, shin ma kwagh u menden shin ma kon kpaa ga, saa di ior mba ve lu a ikav i Aôndo sha atsul a ve ga la.

⁵I na ve ian i wuan ve ga, kpa ve̱ er ve ican zan zan iwer itian, man ican ve la lu er ka mnyoonom ma iyese nahan zum u ka ia ta or yô.

⁶Sha ayange la yô, ior vea ker ku kpa vea zua a mi ga, vea tôm u ma ve kpe kpa ku ua yevese ve.

⁷Mluashe u mbaahungwa mbala yô, lu er ka anyinya a i ser a iyol sha ci u utya nahan. Sha ityouv vev yô, kwagh lu er ka atsar a a bee zenaria yô. Ishiv vev yô, lu er ka ishiv mbi iorov nahan.

⁸Ice ve lu er ice i ukase, anyi a ve lu er anyi a begha nahan.

⁹Ve har iper i utya, i lu er iper i iyôô nahan, iov i akper a ve lu er ihuran i akeke a utya kpishi nahan, zum u anyinya ka a zaan ayem ken utya la.

¹⁰Ve lu a ica er ayese nahan man ishoho kpaa; tahav vev mbu eren ior ican zan zan iwer itian la, mbu lu ken ica ve.

¹¹Ve lu a tor ve, ka ortyom u ihungwa la, iti na ken zwa Heberu er Abadon man ken zwa Grika yô, iti na er Apolion.

¹²Kwaghtseren u hiihii la kar kera ve, nenge, mase shin u akaatseren ahar aa va yô.

¹³Ortyom u Sha u sha ataratar la kpaa tôngo. Tsô m ungwa imo due ken akor anyiin a atse a zenaria a nanden nagh sha mi a sha ishigh ki Aôndo la,

¹⁴i kaa a ortyom u Sha u sha ataratar u a lu a ikpamkor la er: Sagh mbatyomov mba unyiin mba i zer ve hen zegeifi u Uferati,

¹⁵nahan i sagh mbatyomov mba shaav mba unyiin mbala, mba i ver ve a ver je sha ci u ihwa shon la man iyange la man uwer la man inyom la sha u ve̱ wua tiôn môm u ken atôôn atar a ior kera.

¹⁶Iyenge i mbautyav mba sha anyinya lu dubu pue kwa dubu pue zan zan kwa har je, m ungwa iyenge ve la.

¹⁷M nenge anyinya ken mpase u sha mnenge man mba ve lu hendan a la kpaa, ve lu nahan: ve har iper i utya i nyian er usu nahan man i kwel kwel er hiakinto nahan man shi i ayaikure er sulfur nahan. Ityouv mbi anyinyav lu er ityouv mbi ubegha nahan, ken ijô ve yô, usu lu duen kua mnyim man sulfur kpaa.

¹⁸Sha atsan shon atar ne yô, i wua tiôn môm u ken atôôn atar a ior, lu sha usu man mnyim man sulfur mba ve lu duen ken ijô ve la.

¹⁹Gadia tahav mbu anyinya la mbu ken ijô ve man shi ken ica ve kpaa, gadia ica ve lu er iyô nahan, lu a ityouv sha mi, lu sha mbi je man ve vihin akaa ye.

²⁰Ior mba ve shi her mba i wua ve sha atsan la ga yô, ve kera gema ishima ve undu aeren a sha ave ve la ga, ve de u civir ujijingi mba Satan kpaa ga, shin u civir ieev kpaa ga, mbi sha zenaria man azurfa man dela man iwen man kon, ka mbi mbi fetyô u nengen ga, shin u ungwan ga, shin u zenden kpaa ga yô.

²¹Ve kera gema asema a ve, ve undu iwooor ve, shin ahir a ve a eren shin idya ve i eren, shin iv vev la kpaa ga.