Read tshiluba Genese 23 Bible Online

Genese 23 - tshiluba bible

Genese 23

¹Sala wakadi ne bidimu lukama ne makumi abidi ne muanda mutekete, ebi mbidimu bionso bia muoyo wa Sala.

²Sala wakafua mu Kiyata-aba (eu udi Hebelone) mu buloba bua Kanana, Abalahama wakaya bua kuaula muadi wa Sala ne bua kumujinga.

³Abalahama wakabika ku mpala kua tshitalu tshiandi, wakambila bana ba Hete ne,

⁴Ndi bianyi muenyi ne muikadi munkatshi muenu, numpe muaba wa majambu bua meme kujikarnu tshitalu etshi ku mesu.

⁵Bana ba Hete bakambila Abalahama ne,

⁶Mukelenge, utunvuile, wewe udi bu muntu wa Nzambi munene munkatshi muetu, usungule muaba wa majambu nkayebe udi musue kujikarnu tshitalu etshi, kakuena muntu udi mua kukukanda bua wewe kuangata muaba wa kujikamu tshi tatu etshi.

⁷Abalahama waka bika, wakakukuila bana ba Hete, bena buloba.

⁸Yeye wakayikila nʼabo, wakabambila ne, Binuitabusha bua meme kujika tshitalu etshi ku mesu kuanji, nungunvuile, nungakuile kudi Efelona, muana wa Sohâ

⁹bua yeye ampe lubuebue lua ku Makepela, ludiye nʼalu ku mpenge kua budimi buandi, yeye alumpe ku mesu kua buonso buenu ku mushinga udiye musue wa muaba wa kujikamu tshitalu.

¹⁰Efelona wakadi ushikama munkatshi mua bana ba Hete, ne Efelona, Muena Hiti wakambila Abalahama ku mpala kua bana ba Hete bonso mene bakadi babuela mu musoko wandi ne,

¹¹Nansha, mukelenge, ungunvuile nenkuhe budimi ne lubuebue bidimu, nenkuhebi ku mpala kua bana ba bantu banyi, ujikemu tshitalu etshi.

¹²Abalahama wakakukuila ku mpala kua bena buloba.

¹³Yeye wakambila Efelona ku mpala kua bena buloba ne, Biwitabusha, ndi nkutendekena ne, Ungunvuile, nenkuhe mushinga wa budimi uwangate ne meme nenjikemu tshitalu etshi.

¹⁴Efelona wakakudimuna Abalahama di ne,

¹⁵Mukelenge wanyi, ungunvuile budimi bua nkama mai ya nshekele[8] ya argent budi mushinga kai munkatshi muetu? Nunku ujikemu tshitalu.

¹⁶Abalahama wakitabusha dî dia Efelona Abalahama wakamuidikishila bungi bua argent buakalombeye ku mpala kua bana ba Hete, nshekele[9] ya argent nkama mai bu muakitabusha bahanyi ba bintu.

¹⁷Nunku budimi bua Efelona, buakadi mu Makepela ku mpala kua Mamale, budimi ne lubuebue luakadimu ne mitshi yonso yakadi mu budimi ne ku mpenge kuabu, bintu ebi bionso biakalua kudi Abalahama,

¹⁸bu buhianyi buandi ku mpala kua bana ba Hete ne kua bonso bakadi babuela mu musoko wandi.

¹⁹Ku nyima kua malu au Abalahama wakajika Sala, mukashi wandi, mu lubuebue biakadi mu budimi bua Makepela ku mpala kua Mamale (eu udi Hebelone) mu buloba bua Kanâna.

²⁰Budimi ne lubuebue luakadimu biakaya mu bianza bia Abalahama tshiendelele ku mpala kua bana ba Hete bu muaba wa kujikabo bantu bafue.