Read tshiluba Genese 27 Bible Online

Genese 27 - tshiluba bible

Genese 27

¹Dituku dikuabo hakadi Isaka muntu mununu ne mesu andi akadi bileshileshi, kakamanya mua kutangila bimpe, yeye Wakabikila Esau muanʼandi, muanʼa bute, wa kamuambila ne, Muan anyi Yeye wakitaba ne, Ndiku.

²Yeye wa kamba ne, Tangila, ndi muntu mununu, tshiena mumanye dituku dia lufu luanyi.

³Ndi nkutendekena ne, Wangata bintu biebe bia bule mbi, mukulu wa mikete ne buta buebe, uye mu tshisuku, unkebele ntole

⁴undambile munyinyi wa dihembu undi musue Ulue nʼau kundi, nengudie, bua mutshima wanyi ukuvudishile disanka diambedi tshiyi muanze kufua.

⁵Lebeka wakunvua bakambila Isaka Esau muanʼandi mei au Esau wakaya mu budimi bua kukebeye ntole, ne bua kuhinganeye nʼandi.

⁶Lebeka wakambila Ya koba muanʼandi ne, Tangila, nakunvua tatuʼebe wambila Esau, mukuluʼebe ne,

⁷Ulue kundi ne munyinyi wa ntole, undambile munyinyi muimpe wa dihembu, bua meme ngudie, nkuvudishile disanka ku mpala kua Yehowa diambedi tshiyi muanze kufua.

⁸Nunku muanʼanyi, utumikile dî dindi nkua mbila.

⁹Ya biebe ku tshisumbu tshia mbushi, Ulue kundi ne nku ngulu ya mbushi ibidi idi mimpe, nendambile tatu webe munyinyi muimpe wa dihembu udiye musue.

¹⁰Wewe neulue nʼau kudi tatu webe, yeye audie, akuvudishile disanka diambedi yeye kayi muanze kufua.

¹¹Yakoba wakambila Lebeka mamuʼandi ne, Tangila, Esau, mukuluʼanyi udi ne miosa ya bungi hamʼbidi bandi kadi meme ndi ne mubidi mutuhu.

¹²Bumue tatuʼanyi neandengele tshianza, ne meme nengikale bu muena mashimi ku mesu kuandi nendieleshe mulau, tshidivuishi disanka.

¹³Mamuʼa ndi wakamuambila ne, Mulau webe wikale ha mutu hanyi, muanʼanyi, anji kutumikila di dianyi, Ulue ne nkungulu ya mbushi.

¹⁴Yeye wakaya, wakalua nʼai kudi mamuʼandi, ne mamuʼandi wakalamba munyinyi muimpe wa dihembu bu muakasua tatuʼandi.

¹⁵Lebeka wakangata bilulu bimpe bia Esau, muanʼandi muanʼa bute, biakadiye nʼabi mu nsubu, wakabiluatshisha Yakoba, muanʼandi muanʼa mukala,

¹⁶wakamuluatshisha biseba bia nkungulu ya mbushi ha bianza ne ha dikoshi.

¹⁷Yeye wakateka munyinyi muimpe ne bidia biakalambeye mu bianza bia Yakoba muan andi.

¹⁸Yeye wakaya kudi tatu andi, wakamba ne, Tatu anyi, ne yeye wakamukudimuna ne, Ndiku wewe udi nganyi, muan anyi?

¹⁹Yakoba wakambila tatuʼandi ne, Ndi bianyi Esau, muan ebe muanʼa bute, nakuenza bu mu dî diebe, ndi nkutendekena ne, Bika biebe, ushikame, udie munyinyi wanyi wa ntole, bua mutshima webe unvudishile disanka.

²⁰Isaka wakebesha muanʼandi ne, Muanʼanyi, wakamona ntole lubilu nunku munyi? Yeye wakamuambila ne, Bualu bua Yehowa Nzambi webe wakungendesha dikasa dimpe.

²¹Isaka wakambila Yakoba ne, Ndi nkutendekena ne, Lua ha buihi, nenkulengele tshianza tshianyi, muanʼanyi, nemmanye ne, Wewe udi muanʼanyi Esau bulelela.

²²Yakoba wakasemena ha buihi ne Isaka tatuʼandi, yeye wakamulengela tshianza tshiandi, wakamba ne, Dî ndia Yakoba kadi bianza mbia Esau.

²³Yeye kakamujingulula bimpe bualu bua bianza biandi biakadi ne miosa bu bianza bia muanʼabo Esau, nunku yeye waka-muvudishila disanka.

²⁴Isaka wakamuebesha ne, Wewe udi muanʼanyi Esau bulelela, anyi? Yeye wakamba ne, E.

²⁵Yeye wakamba ne Lua nʼau kundi nendie munyinyi wa ntole wa muanʼanyi bua mutshima wanyi ukuvudishile disanka. Yeye wakalua nʼau kudiye, yeye wakadia, wakalua kudiye ne nvinyo, yeye wakanua.

²⁶Tatu wandi Isaka wakamuambila ne, Semena ha buihi, muanʼanyi, utuangane nʼanyi mishiku.

²⁷Yeye wakasemena ha buihi, wakatuangana nʼandi mishiku, yeye wakanunkila muhuya wa bilulu biandi, wakamuvudishila disanka ne, Tangila, muhuya wa muanʼanyi udi bu muhuya wa budimi buakasankishibua kudi Yehowa,

²⁸nunku Nzambi akumatshishile dibungi dia mu diulu akuhe buloba butu bukuatshike bintu bia bungi, ne manvua[10] ne nvinyo muhiamuhia bia bungi,

²⁹bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

³⁰Hakashikisha Isaka kusankisha Yakoba ne Yakoba mumuke anu tshituha ku mesu kua tatu wandi Isaka, Esau mukulu andi wakahingana kuakadiye muye bua kumukebela nyama.

³¹Yeye wakalamba munyinyi muimpe wa dihembu kabidi, wakalua nʼau kudi tatuʼandi, yeye wakambila tatuʼandi ne Tatu anyi abike biandi adie munyinyi wa ntole wa muanʼandi, bua mutshi ma webe unvudishile disanka.

³²Isaka tatu andi wakamukonka ne, Wewe udi nganyi? Yeye wakamukudimuna ne, Ndi muan ebe, muan a bute Esau.

³³Isaka wakatamba kuhampakana, wakamba ne, Muntu kai wakangata munyinyi wa ntole, wakulua nʼau kundi, ne nakudia diambedi wewe kuyi muanji kulua, ne nakamuvudishila disanka? Yeye neikale ne disanka bulelela

³⁴Ha kunvua Esau mei a tatu andi waka dila muadi bikole ne mutshima wandi munyingalala, wakambila tatu andi ne, Unsankishe meme kabidi, tatuʼanyi.

³⁵Yeye wakamuambila ne, Muakunyʼebe wakulua ne bu dimu wakumana kuangata disanka diebe.

³⁶Yeye wakamba ne, Dina dia Yakoba kadiena dimukumbane, anyi? Bualu bua yeye wakandinga misangu ibidi wakamana kuangata bintu bianyi bia buanʼa bute, ne lelu wakangata disanka dianyi kabidi. Yeye wakebesha Isaka ne, Wewe kuakunshilaku disanka, anyi?

³⁷Isaka wakambila Esau ne, Mona, nakumana kumuvuisha mukelenge, webe nakufila bana benu bonso kudiye bu bahika bandi nakumujadika ne manvua ne nvinyo muhiamuhia nenkuenzele wewe tshinyi, muan anyi?

³⁸Esau wakambila tatu andi ne, Wewe udi ne disanka anu dimue, anyi? Unvudishile meme kabidi disanka tatuʼanyi Esau wa kabandisha di diandi wakadila

³⁹Isaka tatu andi wakamuambila ne, Wewe neushikame mu buloba budi bukuatshika bintu bimpe, ne dibungi dia mu diulu nedikumatshile,

⁴⁰wewe newikale ne muoyo bualu bua muele webe wa nvita wewe neukuatshile muakunyʼebe mudimu hawahanduka wewe neumushe mutshi wandi wa tshikokedi ku nshingu kuebe.

⁴¹Esau wakadi ne Yakoba lukuna bualu bua disanka diakamusankisha nʼadi tatu andi Esau wakamba mu mutshima wandi ne, Hashika matuku a madilu a tatu anyi, hashishe, nenshihe muakunyʼanyi Yakoba.

⁴²Bakambila Lebeka mei a Esau, muanʼandi muan a bute yeye Wakabikila Yakoba muanʼandi muan a mukala, wakamuambila ne Esau mukulu ebe udi welangana meji a kukushiha bua kutokesheye munda muandi.

⁴³Nunku muanʼanyi witabusha di dianyi, bika biebe, unyemene kudi Labana muan etu wa balume, udi mu Halana,

⁴⁴ushale nʼandi matuku makese to ne hashika lukuna lua mukuluʼebe ludiye nʼalu kudi.

⁴⁵To ne hashika tshiji tshia muan enu kudi, ne hahueye bualu buwakamuenzela muoyo, hashishe nenkutumine di nenkubikile, nennujimishile bubidi buenu dituku dimue bualu kai?

⁴⁶Lebeka wakambila Isaka ne, Bana bakashi ba Bena Hete badi batondesha muoyo wanyi, biabaka Yakoba mukashi wa bana bakashi ba Bena Hete bu bana bakashi badi mu buloba ebu, muoyo wanyi newikale ne mushinga kai kundi?