Read tshiluba 1 Kulondolola 24 Bible Online

1 Kulondolola 24 - tshiluba bible

1 Kulondolola 24

¹Milongo ya bana balume ba Alona yakadi nunku. Bana balume ba Alona: Nadaba ne Abihu, Eleazâ ne Itamâ.

²Kadi Nadaba ne Abihu bakafua diambedi tatu wabo kayi muanji kufua; kabakadi ne bana nansha; nunku Eleazâ ne Itamâ bakenza mudimu wa buakuidi.

³Davidi wakasungula Sadoka wa bana balume ba Eleazâ ne Ahimeleke wa bana balume ba Itamâ, wakabatahulula mu milongo yabo mu midimu yabo.

⁴Bantu banene ba munkatshi mua bana balume ba Eleazâ bakahita bana balume ba Itamâ bungi; bakabatahulula nunku: ba bana balume ba Eleazâ ba ku mutu kua nsubu ya batatuʼabo bakadi dikumi ne basambombo; ne ba bana balume ba Itamâ bakadi ku mutu kua nsubu ya batatuʼabo bakadi muanda mukulu.

⁵Bakabatahulula ku nshobo ku mudimu ne ku mudimu; bualu bua bakadi ne tuhita tua mu muaba wa tshijila ne tua Nzambi tua munkatshi mua bana ba Eleazâ ne tua Itamâ kabidi.

⁶Shemaya, muana wa Netanele, mufundi, wakadi Muena Lewi, wakafunda menʼabo ku mpala kua mukelenge ne ku mpala kua baminyampala ne Sadoka muakuidi, ne Ahimeleke, muana wa Ebeyatâ, ne ku mpala kua nakadi ku mutu kua nsubu ya batatu abo ne ya bakuidi ne ya Bena Lewi; bakasungula nsubu umue wa batatuʼabo ba Eleazâ, ne umue wa batatuʼabo ba Itamâ.

⁷Nshobo ya kumudilu yakakuata Yehoyada, mibidi yakakuata Yedaya;

⁸misatu yakakuata Halima, mmai yakakuata Seolima,

⁹mitanu yakakuata Malakiya, Disambombo yakakuata Miyamina,

¹⁰ya muanda mutekete yakakuata Hakosa, ya muanda mukulu yakakuata Abiya,

¹¹ya tshitema yakakuata Yeshua, ya dikumi yakakuata Shekanya,

¹²ya dikumi ne umue yakakuata Eleyashiba, ya dikumi ne ibidi yakakuata Yakima,

¹³ya dikumi ne isatu yakakuata Hupa, ya dikumi ne inai yakakuata Yeshebaba,

¹⁴ya dikumi ne itanu yakakuata Bilega, ya dikumi ne isambombo yakakuata Imê,

¹⁵ya dikumi ne muanda mutekete yakakuata Hezî, ya dikumi ne muanda mukulu yakakuata Hapisese,

¹⁶ya dikumi ne tshitema yakakuata Petahiya, ya makumi abidi yakakuata Yehekezele,

¹⁷ya makumi abidi ne umue yakakuata Yakina, ya makumi abidi ne ibidi yakakuata Gamula,

¹⁸ya makumi abidi ne isatu yakakuata Delaya, ya makumi abidi ne inai yakakuata Mâzaya.

¹⁹Bakabatahulula nunku mu midimu yabo bua kuhuolabo mu nsubu wa Yehowa bu muakadi mikenji yakangatabo kudi Alona tatu wabo, bu muakamuambila Yehowa, Nzambi wa Isalele.

²⁰Bana balume bakuabo ba Lewi: ba bana ba Amalama, Shubaele; ba bana ba Shubaele, Yedeya.

²¹Ba bana ba Lehabeya, Yishiya wakadi kahita.

²²Ba Bena Yisehâ, Shelomota; ba bana ba Shelomota, Yahata.

²³Ba bana ba Hebelone; Yeliya wakadi kahita, Amalia muibidi, Yahaziele muisatu, Yekamama muinai.

²⁴Ba bana ba Uziele: Mika; ba bana ba Mika: Shamî.

²⁵Yishiya wakadi muanʼabo ne Mika; ba bana ba Yishiya: Zekâya.

²⁶Bana ba Melali: Mali ne Mushi; ba bana ba Yâziya: Beno.

²⁷Ba bana ba Melali: ba Yâziya, Beno, ne Shohama ne Zakû ne Ibeli.

²⁸Ba bana ba Mali: Eleazâ wakadi kayi ne bana.

²⁹Ba Kishi; bana ba Kishi: Yelamele.

³⁰Ba bana ba Mushi: Mali ne Edê ne Yelimota. Aba bakadi bana balume ba Bena Lewi bu muakadi nsubu ya batatuʼabo.

³¹Bobo bakela nshobo bu muakenza bana babo bana ba Alona ku mpala kua Davidi mukelenge, ne Sadoka ne Ahimeleke, ne ku mpala kua bakadi ku mutu kua nsubu ya batatuʼabo ya bakuidi ne ya Bena Lewi, nsubu ya batatuʼabo bakadi tuhita tô ne ku nsubu ya bakunyi babo.