Read tshiluba 1 Kulondolola 26 Bible Online

1 Kulondolola 26 - tshiluba bible

1 Kulondolola 26

¹Mudimu wa balami ba bibi: ba Bena Kola, Meshelemeya, muana wa Kole, wa bana ba Asafa.

²Meshelemeya wakalela bana balume: Zekâya muanʼa bute, Yediele muibidi, Zebadaya muisatu, Yatamele muinai,

³Elama muitanu, Yehohanana muisambombo, Eleyahoenai wa muanda mutekete.

⁴Obeda-edome wakalela bana balume: Shemaya muanda bute, Yehozabada muibidi, Yoa muisatu, Sakâ muinai, Netanele muitanu,

⁵Amiele muisambombo, Yisakâ wa muanda mutekete, Peuletai wa muanda mukulu; bualu bua Nzambi wakamusankisha.

⁶Shemaya muanʼandi wa balume wakalela bana ba balume kabidi bakakokesha mu nsubu wa tatu wabo bualu bua bobo bakadi bantu ba bukitu.

⁷Bana ba Shemaya: Oteni ne Lefaele ne Obeda ne Elezabada, bana babo Elihu ne Semakaya bakadi bena bukitu.

⁸Aba bonso bakadi bana ba Obeda-edome; bobo ne bana babo balela ne bana babo bakadi ne bukole bua kuenza nʼabu mudimu; ba Obeda-edome bakadi makumi asambombo ne bantu bahidi.

⁹Meshelemeya wakadi ne bana balume ne bana babo, bena bukitu dikumi ne muanda mukulu.

¹⁰Hosa wa bana balume ba Melali wakadi ne bana balume: Shimeli wakadi kahita (yeye kakadi muanʼa bute kadi tatu wandi wakamuhingisha kahita),

¹¹Hilekiya muibidi, Tebalaya muisatu, Zekâya muinai; bana balume bonso ba Hosa ne bana babo bakadi dikumi ne basatu.

¹²Munkatshi mua bantu aba bakasungula balami ba bibi, tuhita mene tuakadi ne mudimu watu bu bana babo mu nsubu wa Yehowa.

¹³Buonso buabo ne banene ne bakese bakela nshobo bu muakadi nsubu ya batatuʼabo, ku tshibi ne ku tshibi.

¹⁴Nshobo ya ku esete yakakuata Shelemeya. Bakelela muanʼandi Zekâya, muena meji makane, nshobo; nshobo yandi yakakuata ku nôde.

¹⁵Yakakuata Obeda-edome ku sude; ne bana bandi ku tshiluminu.

¹⁶Yakakuata Shupima ne Hosa ku wesete, ku tshibi tshia Shalekete ku tshibandilu tshidi tshibandaku, muntu ne muntu mulamate ku kutentekela kuandi.

¹⁷Bena Lewi basambombo bakadi ku esete; banai ku node ku dituku ku dituku; banai ku Sude ku dituku ku dituku, ne babidi babidi ku tshilaminu.

¹⁸Ku Pâbâ ku wesete banai ku tshibandilu, ne babidi ku Pâbâ.

¹⁹Ei yakadi milongo ya balami ba bibi, ba bana balume ba Bena Kola ne ba Melali.

²⁰Ahiya wa Bena Lewi wakadi mulami wa bibutshilu bia mu nsubu wa Nzambi ne wa bibutshilu bia bintu bia tshijila.

²¹Bana ba Lâdana, bana ba Bena Gêshona ba Lâdana, bakadi ku mutu kua nsubu ya batatuʼabo ba Lâdana, Muena Gêshona: Yehieli.

²²Bana ba Yehieli: Zetama ne Yoele muanʼabo bakadi balami ba bibutshilu bia mu nsubu wa Yehowa.

²³Ba Bena Amalama ne ba Bena Yisehâ ne ba Bena Hebelone ne ba Bena Uziele:

²⁴Shebuele, muana wa Gêshoma, muana wa Mose, wakadi kahita ka balami ba bibutshilu.

²⁵Bana babo: Eliezê ne muanʼandi Lehabeya ne Yeshaya muanʼandi ne Yolama muanʼandi ne Zikeli muanʼandi ne Shelomota muanʼandi.

²⁶Shelomota eu ne bana babo bakadi ku mutu kua bibutshilu bia bintu bionso bia tshijila biakajidilabo kudi Davidi mukelenge ne kudi ba ku mutu kua nsubu ya hatatu babo, ne kudi tupitene tua bantu tshinunu ne tua bantu lukama ne kudi tupitene tua masalayi.

²⁷Bakajidila bia mu bintu biakanyengabo mu nvita bua kulongololabo nʼabi nsubu wa Yehowa.

²⁸Bintu bionso biakajidila Samuele, mumonyi wa malu a Nzambi, ne Shaula, muana wa Kishi, ne Abinê, muana wa Nê, ne Yoaba, muana wa Seluya, ne muntu yonso wakajidila bintu, biobi biakadi mu bianza bia Shelomota ne bia bana babo.

²⁹Ba Bena Yisehâ; Kenanya ne bana bandi balume bakadi ne mudimu wabo ha mbelu ha ntempelo mu Isalele bu bakokeshi ne balumbuluishi.

³⁰Ba Bena Hebelone: Hashabeya ne bana babo, bena bukitu tshinunu ne nkama muanda mutekete, bakadi ku mutu kua Bena Isalele dishiya dia Yadene ku wesete mu malu onso a Yehowa ne a mudimu wa mukelenge.

³¹Wa Bena Hebelone: Yeliya wakadi kahita ka Bena Hebelone mene bu muakadi bikondo bia batatuʼabo. Bakabakeba mu tshidimu tshia makumi anai tshia mu bukelenge bua Davidi, bakasangana munkatshi muabo bena bukitu ku Yazê wa mu Gilada.

³²Bana babo, bena bukitu bakadi binunu bibidi ne nkama muanda mutekete, bakadi ku mutu kua nsubu ya batatuʼabo, bakasungudibua kudi Davidi bua kuikalabo balongolodi ba Bena Lubena ne Bena Gada ne ba tshituha tshia tshisamba tshia Bena Manashe mu malu onso a Nzambi ne a mukelenge kabidi.