Read tshiluba 2 Kulondolola 27 Bible Online

2 Kulondolola 27 - tshiluba bible

2 Kulondolola 27

¹Yotama wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne bisambombo; dina dia mamu wandi diakadi Yelusha, muana mukashi wa Sadoka.

²Wakenza malu mimpe ku mesu kua Yehowa, bu muakenza Uziya tatuʼandi; kadi yeye kakabuela mu ntempelo wa Yehowa. Bantu bakatshidi benza malu mabi.

³Yeye wakalongolola tshibi tshiakatamba kuikala kulu ku nsubu wa Yehowa; wakasa lumbu lua ku Ofele.

⁴Yeye wakasa misoko ya ku mikuna ya Yuda kabidi; wakasa nsubu ya mukelenge ne bibumba muitu.

⁵Yeye wakaluangana ne mukelenge wa Bena Amona, wakabahita bukole. Bena Amona bakafila kudiye tshidimu atshi lukama lua ntalanta ya argent[12] ne bihiminu bia blé binunu dikumi ne bia orge binunu dikumi. Bakafila bintu ebi kabidi tshidimu tshibidi ne tshisatu.

⁶Nunku Yotama wakalua muena bukole bualu bua yeye wakalongolola nshila yandi ku mpala kua Nzambi wandi.

⁷Bienzedi bikuabo bia Yotama ne nvita yandi yonso ne malu akenzeye bidi bifundibue mu mukanda wa bakelenge ba Isalele ne ba Yuda.

⁸Wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne bisambombo.

⁹Yotama wakalala tulu ne bankambua bandi, bakamujika mu musoko wa Davidi; Ahaza muanʼandi wakakokesha mu muaba wandi.