Read tshiluba Nehemiya 11 Bible Online

Nehemiya 11 - tshiluba bible

Nehemiya 11

¹Bantu banene bakashikama mu Yelushalema; bantu bakuabo bakela nshobo ya kusungulabo umue wa ku dikumi bua kushikameye mu Yelushalema, musoko wa tshijila, ne bakuabo tshitema bakashikama mu misoko mikuabo.

²Bantu bakuabo bakavudishila bantu bakadi ne disua dia kushikama mu Yelushalema disanka.

³Aba mbakelenge ba luseke bakashikama mu Yelushalema; kadi Bena Isalele ne bakuidi ne Bena Lewi ne Bena Netinima[11] ne bana ba bena mudimu ba Solomo bakashikama mu misoko ya mu Yuda, muntu ne muntu mu buhianyi buandi.

⁴Kadi bakuabo ba Bena Yuda ne ba Bena Benyamina bakashikama mu Yelushalema. Bena Yuda bakadi Ataya, muana wa Uziya, muana wa Zekâya, muana wa Amaliya, muana wa Shefataya, muana wa Mahalalele wa mu bana ba Pelese;

⁵ne Mâseya, muana wa Bahika, muana wa Kole-hose, muana wa Hazaya, muana wa Adaya, muana wa Yoyaliba, muana wa Zekâya, muana wa Muena Shiloa.

⁶Bana bonso ba Pelese bakashikama mu Yelushalema bakadi bena bukitu nkama inai ne makumi asambombo ne muanda mukulu.

⁷Aba mbana ba Benyamina: Salu, muana wa Meshulama, muana wa Yoede, muana wa Pedaya, muana wa Kolaya, muana wa Mâseya, muana wa Itele, muana wa Yeshaya.

⁸Gabai ne Salai bakadi ku nyima kuabo bu bantu nkama tshitema ne makumi abidi ne muanda mukulu.

⁹Yoele, muana wa Zikeli, wakadi kahita kabo; Yuda, muana wa Hasenua, wakadi muibidi ku mutu kua musoko.

¹⁰Bakuidi bakadi nunku: Yedaya, muana wa Yoyaliba, ne Yakina,

¹¹Selaya, muana wa Hilekiya, muana wa Meshulama, muana wa Sadoka, muana wa Melayota, muana wa Ahituba, wakadi ku mutu kua malu a mu nsubu wa Nzambi;

¹²bana babo bakadi benza mudimu wa mu nsubu wa Nzambi bakadi nkama muanda mukulu ne makumi abidi ne babidi; Adaya, muana wa Yeholama, muana wa Pelalaya, muana wa Amasi, muana wa Zekâya, muana wa Pashû, muana wa Malakiya;

¹³bana babo bakadi ku mutu kua biota bia batatuʼabo bakadi nkama ibidi ne makumi anai ne babidi; Amashai, muana wa Azalele, muana wa Azai, muana wa Meshilemota, muana wa Imê,

¹⁴bana babo, bena bukitu, bakadi lukama ne makumi abidi ne muanda mukulu; Zabediele, muana wa Hagedolima, wakadi kahita kabo.

¹⁵Ba Bena Lewi: Shemaya, muana wa Hashuba, muana wa Azelikama, muana wa Hashabeya, muana wa Buni;

¹⁶Shabetai ne Yozabada, bantu banene ba munkatshi mua Bena Lewi, bakadi ku mutu kua mudimu wa ha mbelu ha nsubu wa Nzambi;

¹⁷Matanaya, muana wa Mika, muana wa Zabedi, muana wa Asafa, wakadi muntu munene wakabanga kutendelela kua kusakidila nʼaku Nzambi; Bakabukiya wakadi muibidi munkatshi mua bana babo; Abeda, muana wa Shamua, muana wa Galala, muana wa Yedutuna.

¹⁸Bena Lewi honso ba mu musoko wa tshijila bakadi nkama ibidi ne makumi muanda mukulu ne banai.

¹⁹Batuadi ba majitu bakadi Akuba ne Talemona ne bana babo bakadi balame bibi bia musoko bakadi lukama ne makumi muanda mutekete ne babidi.

²⁰Bena Isalele bakuabo bonso ne bakuidi ne Bena Lewi bakadi mu misoko yonso ya Yuda, muntu ne muntu mu buhianyi buandi.

²¹Kadi benji ba mudimu wa mu ntempelo bakashikama mu Ofele; Ziha ne Gishepa bakadi ku mutu kuabo.

²²Wakadi ku mutu kua Bena Lewi bakadi ku Yelushalema wakadi Uzi, muana wa Bani, muana wa Hashabeya, muana wa Matanaya, muana wa Mika, umue wa bana balume ba Asafa, bimbi ba misambu, wakadi ku mutu kua mudimu wa mu nsubu wa Nzambi.

²³Mukelenge wakela mukenji bua bualu buabo bua kuha bimbi ba misambu bintu biakadibo nʼabi bualu buatshia-buatshia.

²⁴Petahiya, muana wa Meshezabele, wa mu bana ba Zela, muana wa Yuda, wakadi ha buihi ne mukelenge mu malu onso a bantu.

²⁵Bena Yuda bakuabo bakashikama mu Kîyata-âba ne mu misoko yau ne madimi au, ne mu Dibona ne mu misoko yau, ne mu Yekabesele ne mu misoko yau,

²⁶ne mu Yeshua ne mu Molada ne mu Bete-pelete,

²⁷ne mu Hasâ-shuala, ne mu Bê-sheba ne mu misoko yau,

²⁸ne mu Sikelaga, ne mu Mekona ne mu misoko yau,

²⁹ne mu Enelimona ne mu Solea ne mu Yâmuta

³⁰ne mu Zanoa ne mu Adulama ne mu misoko yai, ne mu Lakisha ne mu madimi au, ne mu Azeka ne mu misoko yau. Nunku bakashikama mu Bê-sheba tô ne ku tshibanda tshia Hinoma.

³¹Bena Benyamina kabidi bakashikama mu Geba ne mu Mikemasha ne mu Aya ne mu Betele ne mu misoko yai,

³²ne mu Anatota ne mu Nobo ne mu Ananiya,

³³ne mu Hasô ne mu Lama ne mu Gitayima,

³⁴ne mu Hadida ne mu Seboima ne mu Nebalata,

³⁵ne mu Lodo ne mu Ono mu tshibanda tshia bansenda.

³⁶Milongo ya Bena Lewi bakuabo ba mu Yuda bakalamata kudi Bena Benyamina.