Read tshiluba Esetê 7 Bible Online

Esetê 7 - tshiluba bible

Esetê 7

¹Mukelenge ne Hamana bakalua bua kudiabo ne Esetê mukelenge mukashi.

²Hakadibo banua nvinyo ya bidia bia disanka dituku dibidi, mukelenge wakebesha Esetê kabidi ne, Esetê mukelenge mukashi, dilomba diebe didi tshinyi? Nenkuhedi. Disengelela diebe didi tshinyi? Nenkuhedi tô ne ku tshituha tshia bukelenge.

³Hashishe Esetê mukelenge mukashi wakamukudimuna ne, Bingikala musangane luse ku mesu kuebe, mukelenge, biasua mukelenge, basungile muoyo wanyi ku dilomba dianyi ne basungile bantu banyi ku disengelela dianyi;

⁴bualu bua didi bahanyibue, meme ne bantu banyi, bua kubutudibua ne bua kushihibua ne bua kujimishibua. Kadi bu tuetu bahanyibue bu bahika balume ne bahika bakashi, nakadi kuhuwa, kadi muena lukuna kakadi mua kufuta mukelenge ku bualu ebu bubi.

⁵Hashishe mukelenge Ahashawelosha wakebesha Esetê mukelenge mukashi ne, Yeye udi nganyi, yeye udi hanyi, udi welangana meji mu mutshima wandi bua kuenza nunku?

⁶Esetê wakamba ne, Muhumbishi ne muena lukuna wetu udi muntu eu mubi Hamana mene. Hashishe Hamana wakatamba kutshina ku mesu kua mukelenge ne kua mukelenge mukashi.

⁷Mukelenge wakajuka ku nvinyo ya bidia bia disanka ne tshiji tshikole, wakaluhuka, wakendakana mu tshibunda tshia mu luhangu luandi; Hamana wakajuka bua kulombeye muoyo wandi kudi Esetê mukelenge mukashi; bualu bua yeye wakajingulula ne, Mukelenge neakebe kungenzela bibi.

⁸Mukelenge wakafuma ku tshibunda tshiandi, wakabuela mu nsubu wa kudia kabidi; Hamana wakamana kudiela ha ditanda hakadi Esetê. Hashishe mukelenge wakakonka ne, Yeye udi ukeba kukuata mukelenge mukashi ku bukole ku mesu kuanyi mu nsubu wanyi, anyi? Hakahatuka dî adi mukana mua mukelenge, bakabuikila mutu wa Hamana tshilulu.

⁹Hashishe Hâbona, umue wa bantu batungula bakadi ku mpala kua mukelenge, wakamba ne, Monai, kabidi, tshiowelu atshi bule bua coudées[4] makumi atanu tuakalongoluela Hamana Môdekai, nguakambila mukelenge malu mimpe, tshidi ku nsubu wa Hamana. Mukelenge wakamba ne, Bamuoweleku.

¹⁰Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.