Read tshiluba Ekesode 5 Bible Online

Ekesode 5 - tshiluba bible

Ekesode 5

¹Ku nyima kua malu â Mose ne Alona bakalua kudi Palô, bakamuambila ne, Yehowa, Nzambi wa Isalele, udi Wamba ne, Ulekele bantu banyi, baye mu tshihela bua kudia bidia ku mesu kuanyi.

²Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

³Bakamba ne, Nzambi wa Bena Ebelu wakasangakena hetu, witabushe ne tuetu tuye luendu lua matuku asatu mu tshihela bua kushihela. Yehowa Nzambi wetu nyama, bua yeye katukengeshi ne masama anyi muele wa mata.

⁴Mukelenge wa Ejipitu wakabambila ne, Bualu kai, nuenu Mose ne Alona, nudi nulekesha bantu midimu yabo, yai bienu ku midimu yenu.

⁵Palô wakamba ne, Monai, bantu bakukumbana ba bungi mu buloba, ne nuenu nudi nulekesha midimu yabo.

⁶Mu dituku adi mene Palo wakela di kudi tuhita tua bantu ne tupitene tuabo ne,

⁷Kanulu bantu bisonsa bia kuenza nʼabi tushola bu munuakenza diambedi, bobo badikebele bisonsa.

⁸Bobo nebenze bungi bua tushola buakenzabo diambedi, kanuena nuhuekesha mudimu, nansha kakese, bualu bua bobo badi bafuba, badi bamba ne, Tudi basue kuya kushihela Nzambi wetu nyama.

⁹Nudiundishe mudimu wabo, bawenze, nunku kabitabushi mei a mashimi.

¹⁰Tuhita tua bantu ne tupitene tuakaya kudi bantu, tuakabambila ne, Palo wakamba ne, Tshiena nnuha bisonsa.

¹¹Yai bienu, nudikebele bisonsa kunudi mua kubisangana, kadi kabena bahuekesha mudimu wenu.

¹²Nunku bantu bakadi bamuangalaka buloba bua Ejipitu buonso bua kukeba bisonsa.

¹³Tuhita tuakabenzesha ne, Nushikishai mudimu wenu wa buatshia-buatshia bu munuakenza hanuakadi ne bisonsa.

¹⁴Tuhita tua Palô tuakakuma bantu bakadi ku mutu kua Bena Isalele, tuakamba ne, Bualu kai kanuena nushikisha mudimu wenu ne makelela ne lelu bu munuakenza diambedi?

¹⁵Bantu bakadi ku mutu kua Bena Isalele bakalua, bakadila kudi Palo ne, Udi wenzela bantu bebe nunku bualu kai?

¹⁶Kabena bakesha bantu bebe bisonsa, ne badi bamba ne Enzai tushola, mona, badi bakulua bantu bebe, kadi dihila didi kudi Bena Ejipitu bebe.

¹⁷Kadi yeye wakabambila ne, Nudi bafuba, nudi bafuba, ne bua bualu ebu nudi nuamba ne, Witabushe bua tuye kushihela Yehowa nyama!

¹⁸Yai bienu, enzai mudimu, katuena tunuha bisonsa, kadi nuenu nenulue ne bungi bua tushola bu mutuakuamba.

¹⁹Bantu bakadi ku mutu kua Bena Isalele bakamona ne, Tudi ne tshilumbu tshikole Hakambabo ne, Katuena tuhuekesha bungi bua tushola butudi tulomba buatshia-buatshia.

²⁰Bakasangakena ne Mose ne Alona mu nshila hakaluhukabo kudi Palô,

²¹bobo bakabambila ne, Yehowa anutangile, anulumbuluishe, bualu bua nuakutuvuisha bu tshintu tshidi tshi tua tshibi ku mesu kua Palô ne ku mesu kua bantu bandi, nuakuteka muele wa nvita mu bianza biabo wa kutushiha nʼau.

²²Mose wakahingana kudi Yehowa, wakamba ne, Yehowa, wewe wakenzela bantu aba bibi nunku bualu kai? Wakantuma bualu kai?

²³Hanakalua kudi Palô mu dina diebe, yeye wakenzela bantu aba bibi, ne wewe kuena muanze kusungila bantu bebe nansha kakese.