Read tshiluba Ekesode 9 Bible Online

Ekesode 9 - tshiluba bible

Ekesode 9

¹Yehowa wakambila Mose ne, Ya biebe kudi Palô, umuambile ne, Yehowa, Nzambi wa Bena Ebelu, udi Wamba ne, Ulekele bantu banyi, baye kuntendelela.

²Biwahidia kubalekela, ne biwabakanda,

³Yehowa neateke tshianza tshiandi ha bimuna bidi mu budimi, ha tubalu ne nyama ya mpunda ne nyama ya tumelo ne ngombe ne mikoko, dishina dikole nedibikuate.

⁴Yehowa neatahulule bimuna bia Bena Isalele ne bimuna bia Bena Ejipitu, nansha tshintu tshikese tshia Bena Isalele netshifue.

⁵Yehowa wakamana ku sungula dituku, makelela Yehowa nênze bualu ebu mu buloba.

⁶Hakatshiabu Yehowa Wakenza bualu ebu; bimuna bionso bia mu Ejipitu biakafua, kadi bimuna bia Bena Isalele kabiakafua nansha tshimue.

⁷Palô wakatuma mundi, wakamona ne, Nansha tshintu tshimue tshia bimuna bia Bena Isalele tshiakafua. Mutshima wa Palô wakakoleshibua, yeye bakalekela bantu.

⁸Yehowa wakambila Mose ne Alona ne, Nuangate manza a butue bua mu tshikutu, Mose abumiamine mulu ku mesu kua Palô.

⁹Butue nebulue bu dinfuenkenya dikese mu buloba bua Ejipitu buonso, butue nebuenzeshe mputa ya mbalanga hamʼbidi ha bantu ne hamʼbidi ha nyama mu buloba bua Ejipitu buonso.

¹⁰Bakangata butue bua mu tshikutu, bakimana ku mpala kua Palô, Mose wakabumiamina mulu, buakenzesha bantu ne nyama mputa ya mbalanga hamʼbidi.

¹¹Bena bilengulengu kabakamanya mua kuimana ku mpala kua Mose bualu bua mputa ya mbalanga, mputa yakadi hamʼbidi ha bena bilengulengu ne hamʼbidi ha Bena Ejipitu bonso.

¹²Yehowa wakakolesha mutshima wa Palô, yeye kakabunvuila, bu muakambila Yehowa Mose.

¹³Yehowa wakambila Mose ne, Bika ne dinda dionso, wimane ku mpala kua Palô, umuambile ne, Yehowa, Nzambi wa Bena Ebelu udi wamba ne, Ulekele bantu banyi, baye kuntendelela.

¹⁴Musangu eu nentume milau yanyi yonso ku mutshima webe ne kudi bena mudimu bebe ne kudi bantu bebe, bua kukumanyisha ne, Kakuena nzambi mukuabo bu meme mu buloba buonso.

¹⁵Bu meme muolole tshianza tshianyi, mufume disama dikole kudi bantu bebe, wewe wakadi kujimina ha buloba.

¹⁶Kadi bulelela, nakukubisha bua kukulesha bukole buanyi ne bua dina dianyi dimanyishibue ha buloba buonso.

¹⁷Wewe utshidi udibandisha kudi bantu banyi, udi uhidia kubalekela munyi?

¹⁸Tangila, makelela ha diba edi mene nemmatshishe mabue a nvula a bungi be, kabena banze kutangila mabue a nvula nunku ku tshibangidilu tshia bukelenge bua Ejipitu tô ne katataka,

¹⁹Nunku utumine bantu lubilu, basangishe bimuna biebe ne bintu bionso biudi nʼabi mu budimi, muntu yonso ne nyama yonso bidi bishala mu budimi bidi kabiyi bihingana mu nsubu, mabue a nvula neahone hamʼbidi babi, nebifue.

²⁰Muntu yonso wakatshina di dia Yehowa munkatshi mua bena mudimu ba Palô wakatuma bantu bandi, bakasangisha bimuna biandi mu nsubu.

²¹Yeye wakadi kayi muitabushe di dia Yehowa wakashiya bantu bandi ne bimuna biandi mu mpata.

²²Yehowa wakambila Mose ne, Olola tshianza tshiebe mulu, bua mabue a nvula ikale mu buloba bua Ejipitu buonso, ne ha muntu ne ha nyama ne ha midioko yonso ya mu budimi, mu buloba bua Ejipitu buonso.

²³Mose wakolola mulangala wandi mulu ne Yehowa wakatuma makubakuba ne mabue a nvula, miele ya nvula yakakuma ha buloba, Yehowa wakama tshisha mabue a nvula ha buloba bua Ejipitu.

²⁴Mabue a nvula ne miele ya nvula biakabuelakana, biakatamba bikole, kabakatangila bualu abu mu buloba bua Ejipitu katshia bualua tshisamba tshia bantu.

²⁵Mabue a nvula akashika bintu bionso bia mu buloba bua Ejipitu biakadi mu budimi, ne bantu ne nyama, mabue a nvula akashika midioko yonso ya mu budimi ne mitshi yonso.

²⁶Anu mu buloba bua Goshene muakadi Bena Isalele, mabue a nvula kakadiku.

²⁷Palô wakatuma di, wakabikila Mose ne Alona, wakabambila ne, Nakuenza bualu bubi musangu eu, Yehowa udi muakane ne meme ne bantu banyi tudi bantu babi.

²⁸Nundombele Yehowa, bualu bua makubakuba ne mabue a nvula biakututonda, nennulekele, kanuena nushala kabidi.

²⁹Mose wakamuambila ne, Hanaluhuka mu musoko eu, nengolole bianza bianyi kudi Yehowa, makubakuba neashike, mabue a nvula neashike kabidi, bualu bua kukumanyisha ne buloba budi bua Yehowa.

³⁰Kadi ndi muma nye ne wewe ne bantu bebe kanuena banze kuikala ne ditshina dia Yehowa Nzambi.

³¹Mitshi ya lin ne ya orge yakashihibua, bualu bua orge yakadi mu miehu ne lin yakadi ne bilongo.

³²Kadi blê ne bintu bikuabo kabiakadi bifue, kabiakanza kukola nansha.

³³Mose wakaluhuka mu musoko kudi Palô, wakolola bianza biandi kudi Yehowa, ne makubakuba ne mabue a nvula biakashika, nvula kakamata ha buloba kabidi.

³⁴Hakatangila Palô nvula ne mabue a nvula ne makubakuba biakashika, yeye wakatamba kuenza bibi, wakakolesha mutshima wandi ne yeye ne bantu bandi.

³⁵Mutshi ma wa Palô wakakoleshibua, yeye kakunvuila Bena Isalele, bu muakambila Yehowa Mose.