Read tshiluba Yobo 20 Bible Online

Yobo 20 - tshiluba bible

Yobo 20

¹Hashishe, Sofâ, Muena Nâmata, wakakudimuna Yobo ne,

²Bua mei â meji anyi adi ampesha diandamuna kûdi; bua muanda eu ndi musue kuamba dî lukasa.

³Nakunvua kumbela eku kudi kunfuisha bundu; kadi mutshima wanyi udi ukudimuna dî bu mudi dijingulula dianyi.

⁴Kuena mumanye bualu ebu bua kale, katshia bateka muntu ha buloba,

⁵ne, Kutumba kua muenji wa malu mabi kudiku anu musangu muihi, ne disanka dia badi bahidia Nzambi didiku anu tshituha tshia diba?

⁶Nansha biafikeye tô ne mu diulu, nansha mutu wandi mulenge matutu,

⁷hashishe, yeye neafue tshiendelele bu mudi tunvi tuandi tujimine; bakamumona diambedi nebakonke ne. Udi kudi kunyi?

⁸Neaye biandi lubilu bu mudi tshilota tshihita, kabena bamusangana kabidi. E, nebamuihate bu mudi tshikena kumona tshijimina butuku.

⁹Disu diakamumona kadiena dimumona kabidi, ne muaba wandi kawena umumona kabidi.

¹⁰Bana bandi nebakebe diakalengele kudi bahele, ne bianza biandi nebihingishe biuma biandi biakanyengeye.

¹¹Mifuba yandi idi miule tente ne bukole bua bunsongalume buandi, kadi buobu nebulale nʼandi mu buloba.

¹²Nansha biashemakana malu mabi mukana muandi, nansha biâsokokeye muinshi mua ludimi luandi;

¹³nansha biânangeye bimpe ne kayi witabusha bua kualekela, kadi biashaleye nʼau mukana muandi,

¹⁴hashishe, bia kudia bia munda muandi bidi bikudimuka, bidi bilua lulengu lua nyoka ya mbanvu munda muandi.

¹⁵Yeye udi umina biuma, ne udi ubiluka kabidi; Nzambi udi ubihatula mu difu diandi.

¹⁶Udi unua lulengu lua nyoka ya mbanvu; ludimi lua nyoka wa ntoka ludi lumushiha.

¹⁷Kena umona misulu, misulu idi miule tente ne buitshi ne manteke.

¹⁸Neahingishe bintu biakakuatshileye mudimu bua kubiheta, ne kena mua kubimina; kena usanka bua bungi bua luhetu ludiye wangata ku kuenduluka kuandi kua mushinga.

¹⁹Bualu bua wakukengesha bahele ne wakubashiya hatuhu, wakunyenga nsubu ku bukole udiye kayi muibake.

²⁰Bualu bua kakunvua ditalala munda muandi, kena mumanye mua kusungila tshintu tshia mu bintu bidiye mutambe kusua.

²¹Kakuakadi tshintu tshimue tshiakadiye kayi udia bua lukuka luandi; nunku diakalengele kadiena dishala kudiye.

²²Mu dikumbana dia bintu biandi yeye neakengele bintu; tshianza tshia muntu yonso udi mu dikenga netshimukengeshe.

²³Hambeye kukuta, Nzambi neatemeshe tshiji tshiandi kudiye, neamuhumuinetshi bu bia kudia biandi.

²⁴Neanyeme bua kuhanduka ku tshielelu tshia nvita tshia tshiamu tshifike, nebamuase mukete ne buta bua tshiamu tshia mitaku, mumusompoke.

²⁵Udi uhatula mukete mu mubidi wandi, lusongo luau ludi luengelela ludi luhatuka mu kanyonga kandi; buowa bua lufu budi bunukuata.

²⁶Mîdima mikole neyikale mu tshibutshilu tshiandi, kahia kadi muntu kayi mutemeshe nekamushidishe; nekabutule bintu bionso bidi bishala mu ntenta wandi.

²⁷Diulu nedisokolole bubi buandi, buloba nebujuke bua kumuhisha.

²⁸Bintu biakabutshileye mu nsubu muandi nebajimine; nebajimine mu dituku dia tshiji tshikole tshia Nzambi.

²⁹Elu nduseke Iudi muntu mubi uhela kudi Nzambi, ne buhianyi budi Nzambi mumusunguile.