Read tshiluba Misambu 116 Bible Online

Misambu 116 - tshiluba bible

Misambu 116

¹Ndi munange Yehowa, bualu bua wakunvua dî dianyi ne kutendakena kuanyi.

²Bualu bua wakuteleja matshu andi kundi, nunku nendile kudiye matuku onso antshidi ne muoyo.

³Mionshi ya lufu yakunyunguluka; makenga a mu Muaba wa Bafue akankuata; nakasangana ntatu ne kanyinganyinga.

⁴Hashishe, nakabikila dina dia Yehowa ne, Yehowa, ndi nkusengelela ne, Uhandishe muoyo wanyi.

⁵Yehowa udi ne dinanga, udi muakane; Nzambi wetu udi ufuila bantu luse.

⁶Yehowa udi ulama badi mua kutshimbakashibua. Nakahuekeshibua ne yeye wakansungila.

⁷Alukila ku dikisha diebe, wewe muoyo[116] wanyi, bualu bua Yehowa wakukuenzela malu mimpe makumbane.

⁸Bualu bua wewe wakumpandisha bua muoyo wanyi kawikadi lufu; ne bua mesu anyi kaikadi ne binsonshi, ne bua makasa anyi kâlenduki.

⁹Nengende ku mpala kua Yehowa mu buloba bua badi ne muoyo.

¹⁰Nakadi ngeyemena Yehowa, nansha hanakadi ngamba ne, Ndi ntamba kukengeshibua.

¹¹Nakamba mu ditenkakana dia mutshima wanyi ne. Bonso[117] badi bandinga.

¹²Nempingashile Yehowa tshinyi bua malu andi mimpe onso akungenzeleye?

¹³Nengambile luhanza lua luhandu, nembikile dina dia Yehowa.

¹⁴Nemmane mitshihu yanyi kudi Yehowa; bulelela, nenyimane ku mesu kua bantu bandi bonso.

¹⁵Lufu lua bansanto bandi ludi wa mushinga mukole ku mesu kua Yehowa.

¹⁶Yehowa, bulelela, ndi muena mudimu webe, ndi muena mudimu webe, muana wa muena mudimu webe mukashi. Wewe wakusulula mionshi yakadi minsuike.

¹⁷Nenfile mulambu wa disakidila kûdi, nembikile dina dia Yehowa.

¹⁸Nemmane mitshihu yanyi kudi Yehowa; bulelela, nenyimane ku mesu kua bantu bandi bonso,

¹⁹mu biendedi bia mu nsubu wa Yehowa, munkatshi muenu, Bena Yelushalema. Tumbishai Yehowa!