Read tshiluba Misambu 136 Bible Online

Misambu 136 - tshiluba bible

Misambu 136

¹Sakidilai Yehowa, bualu bua yeye udi muimpe, bua luse luandi ludi lujalame tshiendelele.

²Sakidilai Nzambi wa nzambi yonso, bua luse luandi ludi lujalame tshiendelele.

³Sakidilai Mukelenge wa bakelenge, bua luse luandi ludi lujalame tshiendelele.

⁴Numusakidile bua yeye nkayandi udi wenza malu a kukema, bua luse luandi ludi lujalame tshiendelele.

⁵Numusakidile bua Yeye wakafuka bia mu diulu ne meji andi, bua luse luandi ludi lujalame tshiendelele.

⁶Numusakidile bua yeye wakadisha buloba ha mutu ha mai, bua luse luandi ludi lujalame tshiendelele.

⁷Numusakidile bua yeye wakafuka minda minene, bua luse luandi ludi lujalame tshiendelele.

⁸Wakafuka diba bua kukokeshadi mu munya, bua luse luandi ludi lujalame tshiendelele.

⁹Wakafuka ngondo ne mitoto bua kukokeshabi butuku, bua luse luandi ludi lujalame tshiendelele.

¹⁰Numusakidile bua yeye wakashiha banʼa bute ba mu Ejipitu, bua luse luandi ludi lujalame tshiendelele.

¹¹Wakaluhula Bena Isalele munkatshi muabo, bua luse luandi ludi lujalame tshiendelele.

¹²Wakabaluhula ne tshianza tshikole ne diboko diandi diolola, bua luse luandi ludi lujalame tshiendelele.

¹³Numusakidile bua Yeye wakahandulula mai a mu Mai Manene Makunze hankatshinkatshi, bua luse luandi ludi lujalame tshiendelele.

¹⁴Wakahitshisha Bena Isalele hankatshi hau, bua luse luandi ludi lujalame tshiendelele.

¹⁵Kadi wakabutula Palô ne misumba yandi ne masalayi mu Mai Manene Makunze, bua luse luandi ludi lujalame tshiendelele.

¹⁶Numusakidile bua Yeye wakalombela bantu bandi bua kuhitshilabo mu tshihela, bua luse luandi ludi lujalame tshiendelele.

¹⁷Numusakidile bua Yeye wakashiha bakelenge banene, bua luse luandi ludi lujalame tshiendelele.

¹⁸Wakashiha bakelenge bakadi ne lumu lunene, bua luse luandi ludi lujalame tshiendelele:

¹⁹Sihona, mukelenge wa Bena Amole, bua luse luandi ludi lujalame tshiendelele,

²⁰ne Oga, mukelenge wa Bashana, bua luse luandi ludi lujalame tshiendelele.

²¹Wakafila buloba buabo bu buhianyi kudi bantu bandi, bua luse luandi ludi lujalame tshiendelele.

²²Wakabufila bu buhianyi kudi Isalele muntu wandi, bua luse luandi ludi lujalame tshiendelele.

²³Yeye wakatuvuluka hatuakadi bantu bahuekele, bua luse luandi ludi lujalame tshiendelele.

²⁴Wakatuhandisha mu bianza bia bakadi nʼetu lukuna, bua luse luandi ludi lujalame tshiendelele.

²⁵Yeye utu wafila bia kudia kudi bintu bionso bidi ne muoyo, bua luse luandi ludi lujalame tshiendelele.

²⁶Sakidilai Nzambi wa mu diulu, bua luse luandi ludi lujalame tshiendelele.