Read tshiluba Misambu 48 Bible Online

Misambu 48 - tshiluba bible

Misambu 48

¹Yehowa udi munene, udi muakane bua kumutumbisha bikole mu musoko wa Nzambi wetu, mu mukuna wandi wa tshijila.

²Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

³Nzambi wakudimanyisha mu mbalasa yau bu tshinyemenu tshile.

⁴Bua monai muakadisangisha bakelenge hamue, bakahitshilaku hohamue.

⁵Bakaumona, hashishe bakakema, bakakuatshika buowa, bakanyema lubilu.

⁶Dizakala diakabakuataku; kanyinganyinga kakabakuata bu ka mukashi udi ne didinyenga dia ha kuleleye.

⁷Wewe wakatshibula matu manene a ku Tâshishi ne luhelele luakafuma ku luseke lua esete.

⁸Bu mutuakunvua lumu, mbu mutuakumona mu musoko wa Yehowa wa misumba, mu musoko wa Nzambi wetu: Nzambi neajadike bua kuikalaku tshiendelele.

⁹Nzambi, tuakuelangana meji a luse luebe lujalame munda mua ntempelo webe.

¹⁰Nzambi, bu mudi dina diebe dimanyibue, mbu mudi ditumbishibua diebe difika tô ne kunfudilu kua buloba. Tshianza tshiebe tshia balume tshidi tshiule tente ne buakane.

¹¹Mukuna wa Siona wikale ne disanka; bana bakashi ba Bena Yuda basanke bualu bua mikenji yebe mijalame.

¹²Endakanai ku nseke yonso ya Siona, numunyunguluke, balai bungi bua bibumba biandi.

¹³Tangilai bimpe ngumbu yandi ya nvita, nubuele mu nsubu yandi mikole, bua numanye mua kuambila ba mu tshikondo tshidi tsnmulonda ku nyima ne,

¹⁴Eu udi Nzambi, Nzambi wetu tô ne tshiendelele. Yeye neikale mulombodi wetu tô ne hatuafua.