Read tshiluba Misambu 85 Bible Online

Misambu 85 - tshiluba bible

Misambu 85

¹Yehowa, wewe wakavuishila buloba buebe diakalengele; wakakudimuna buhika bua Yakoba, wakumuha diakalengele.

²Wakumushila bantu bebe tshishiku tshiabo, waka babuikidila malu mabi abo onso.

³Wakumusha njiya yebe yonso, wakadikudimuna bua wewe kuikadi ne tshiji tshiebe tshidi tshitema.

⁴Utuhingashe, Nzambi wa luhandu luetu, ulekele tshiji tshiudi nʼatshi kutudi.

⁵Newikale nʼetu tshiji tshiendelele, anyi? Neulunguluishe tshiji tshiebe tô ne ku bikondo bionso, anyi?

⁶Kuena utusangasha kabidi, bua bantu bebe basanke bualu buebe, anyi?

⁷Utuleshe luse luebe lujalame, Yehowa, Utuhe luhandu luebe.

⁸Ngunvue bianyi tshidi Nzambi, Yehowa mene, wamba; bualu bua neambile bantu bandi ne bansanto bandi mei a ditalala; kadi kabahinganyi ku nyima bua kulondabo malu a hatuhu.

⁹Bulelela, luhandu luandi ludi ha buihi ne badi bamutshina, bua butumbi bushikame mu buloba buetu.

¹⁰Luse lujalame ne lulamatu lua bushuwa biakusangakanangana; buakane ne ditalala biakutuangana mishiku.

¹¹Lulamatu lua bushuwa ludi lutoloka mu buloba; buakane bua mu diulu budi butangila hanshi.

¹²Bulelela, Yehowa neatuheshe masanka adi mimpe, buloba buetu nebukuame bintu biabu bikumbane.

¹³Buakane nebuende ku mpala kuandi, nebuvuishe biendedi biandi nshila wa kuendelamu.